Accessibility links

ئەمەریکا: دەتوانرێت لە داهاتوودا وڵاتانی دیکە لە دانوستانەکانی ئاشتی ڕۆژهەڵاتی ناوەڕاستدا بەشداربن


وتەبێژی وەزارەتی دەرەوەی ئەمەریکا هێثەر ناورێت

وەزارەتی دەرەوەی ئەمەریکا ڕایگەیاند ئەمەریکا بیر لە پشتیوانیکردنی بەشداری وڵاتانی دیکە دەکاتەوە لە دانوستانەکانی ئاشتی نێوان ئیسڕائیل و فەڵەستیندا و هەڵیدەسەنگێنێت تاوەکو بزانێت سوودی هەیە بۆ گەیشتن بە ڕێکەوتنێک یاخوود نا.

کاتێک وتەبێژی وەزارەتی دەرەوەی ئەمەریکا هێثەر ناورێت سەبارەت بە داواکەی سەرۆکی فەڵەستین مەحمود عەباس پرسیاری لێکرا وتی " ئەگەر لە قۆناغێک لە قۆناغەکاندا بینیمان بەشداربوونی وڵاتانی دیکە سوودی دەبێت بۆ ئەرکی ئاشتی ئەوا بەدڵنیاییەوە ئەو کاتە حەز دەکەین بەشدار بن."

وتیشی " ئایا ئێستا کاتێکی گونجاوە بۆ ئەوە؟ دڵنیا نیم لەسەر ئەوەی بڕیارمان لەسەر ئەوە دابێت، بەڵام بە دڵنیاییەوە ئەوە شتێکە لەوانەیە لە داهاتوودا ڕووبدات."

سەرچاوە/ ڕۆیتەرز

XS
SM
MD
LG