وەزارەتی دەرەوەی ئەمەریکا لە بەیاننامەیەکدا ڕایگەیاند بەڕێوبەرایەتیەکەی سەرۆکی ئەمەریکا جۆو بایدن بڕیاریداوە 15ملیۆن دۆلار بداتە فەڵەستینیەکان، ئەوەش وەکو یارمەتیەک بۆ بەرەنگاربوونەوەی ڤایرۆسی کۆرۆنا لە کەناراوەکانی ڕۆژئاوا و کەرتی غەزەدا.
لە بەیاننامەکەدا ئاماژە بەوە دراوە دەزگای گەشەپێدانی نێودەوڵەتی ئەمەریکا ئەو بڕە پارەیەی دابین کردووە، بڕەکە یارمەتیدەر دەبێت لە پشتیوانیکردن لە هەوڵەکانی ڕێکخراوە مرۆییە کاثۆلیکیەکان لە دامەزراوە تەندروستیەکاندا و هەروەها چارەسەری بابەتی نەبوونی ئاسایشی خۆراکیش دەکات.
سەرچاوە/ ڕۆیتەرز