سکرتێری گشتی نەتەوە یەکگرتووەکان ئەنتۆنیۆ گۆتیرێش سەرکۆنەی هێرشەکانی سەر دامەزراوە نەوتییەکانی سعودیەی کرد و داوای لە هەموو لایەنەکان کرد دان بەخۆیاندا بگرن و ڕێگە نەدەن گرژییەکان زیاتر ببن.
وتەبێژی سکرتێری گشتی نەتەوە یەکگرتووەکان ستیڤان دوگاریک لە بەیاننامەیەکدا وتی " سکرتێری گشتی سەرکۆنەی هێرشەکەی ڕۆژی شەممەی سەر دامەزراوە نەوتییەکانی ئارامکۆ دەکات لە ناوچەی ڕۆژهەڵاتی سعودیە."
وتیشی " سکرتێری گشتی داوا لە هەموو لایەنەکان دەکات دان بەخۆیاندا بگرن و ڕێگە نەدەن گرژییەکان زیاتر ببن و هەمیشە پابەند بن بە یاسا مرۆییە نێودەوڵەتییەکانەوە."
سەرچاوە/ ڕۆیتەرز