ئەمیر زەید بن ڕەعد حسێنی نوێنەری مافی مرۆڤ لە نەتەوە یەکگرتووەکان وتی لە ئەرکە سەربازییە وشکانی و ئاسمانییەکاندا دژی ڕێکخراوی داعش لە مانگی شەشدا لە شاری ڕەققەی سوریا بەلایەنی کەمەوە 173 هاوڵاتی مەدەنی کوژراون.
نوێنەرەکە داوای لە هەموو لایەنەکانی بەشدار لە شەڕەکە کرد بە هێزەکانی سوریاشەوە هەرچیەک لەتوانایاندایە بیکەن بۆ پارێزگاری لە گیانی 100 هەزار هاوڵاتی مەدەنی کە هێشتا گەمارۆدراون.
لە بەیاننامەیەکدا لە جنێف بڵاوبۆوە وتی " دەبێت هاوڵاتیانی مەدەنی نەکرێنە قوربانی بۆ سەرکەوتنی سەربازی خێرا."
سەرچاوە/ ڕۆیتەرز