بەڕیتانیا دەڵێت هەست بە " نیگەرانییەکی زۆر " دەکات سەبارەت بە ڕازیبوونی ئیسڕائیل لەسەر دروستکردنی یەکەی نیشتەجێبوونی نوێ بۆ نیشتەجێیەکانی کەناراوەکانی ڕۆژئاوا.
بەڕیتانیا ئەوەشی خستەڕوو ئەم هەنگاوە لەوانەیە هەڕەشە لەسەر دانوستانەکانی داهاتووی ئاشتی لە نێوان فەڵەستینیەکان و ئیسڕائیلدا دروست بکات و هەروەها داوایکرد دروستکردنی ئەو یەکانە ڕابگیرێت.
وتەبێژی وەزارەتی دەرەوەی بەڕیتانیا لە بەیاننامەیەکدا وتی " بەپێی یاسای نێودەوڵەتی نیشتەجێیەکان نایاسایین و هەڕەشەیە بۆ سەر چارەسەری دوو دەوڵەت. داوا دەکەین بەزووترین کات دروستکردنی ئەو یەکانە لە ئۆرشەلیمی ڕۆژهەڵات و شوێنەکانی دیکەی کەناراوەکانی ڕۆژئاوا ڕابگیرێت."
سەرچاوە/ ڕۆیتەرز