Accessibility links

تورکیا دەڵێت بەخێرایی وەڵامی هەر هەڕەشەیەک دەداتەوە لە ڕۆژئاوای سوریا


ئەنجومەنی ئاسایشی تورکیا ڕایگەیاند تورکیا بەخێرایی وەڵامی هەر هەڕەشەیەک دەاتەوە لە ڕۆژئاوای سوریا کە زیان بە وڵاتەکەی یاوود هاوڵاتیانی بگەیەنێت.

ئەنجومەنەکە لە بەیاننامەیەکدا ڕوونیان کردەوە کە ڕێگە نادەن " سوپایەکی تیرۆریستی" پێک بهێنرێت لە سەر سنووری تورکیا، ئەوەش دوای ئەوەی هاوپەیمانان بە ڕابەرایەتی ئەمەریکا ڕایگەیاند لەگەڵ هێزەکانی سوریای دیموکراتدا کار دەکات بۆ پێکهێنانی هێزێکی نوێی سنوورپارێز بە سەرکردایەتی یەکینەکانی پاراستنی گەلی کورد.

هەروەها ئەنجومەنی ئاسایشی تورکیا داوای کۆکردنەوەی هەموو ئەو چەکانە دەکات کە دراون بە چەکدارە کوردەکانی سوریا. هەروەها داواشی لە حکومەتی تورکیا کرد باری نائاسایی درێژ بکاتەوە کە دوای کودەتاکەی ساڵی 2016 ڕایگەیاندووە.

سەرچاوە/ ڕۆیتەرز

XS
SM
MD
LG