Accessibility links

له‌ ساڵوه‌گه‌ڕی کودتای سه‌رنه‌که‌وتووی تورکیا، ئه‌ردۆغان ڕه‌خنه‌ له‌ وڵاتانی ڕۆژئاوا ده‌گرێت


که‌ماڵ کلیچدار ئۆغڵوو، ڕێبه‌ری پارتی کۆماری خه‌ڵک له‌ کاتی خۆپێشاندان

ڕه‌جه‌ب ته‌یب ئه‌ردۆغان سه‌رۆک کۆماری تورکیا له یه‌که‌مین ساڵیادی کودتای شکست هێناوی تورکیا ده‌ڵێت وڵاتانی ڕۆژئاوایی به دووڕوویی و ده‌غه‌ڵیه‌وه له‌گه‌ڵ ڕه‌وشه‌که ڕووبه‌ڕوو بوونه‌ته‌وه.

ئه‌ردۆغان له وتارێک که گاردیه‌ن بڵاوی کردوه‌ته‌وه ده‌ڵێت هیچ ڕێگایه‌ک بۆ داپۆشینی خه‌یانه‌تی ئه‌و وڵاتانه‌ نیه‌ که‌ چاوه‌ڕوانی سه‌رکه‌وتنی کودتاکه بوون.

ئه‌ردۆغان ده‌ڵێت هه‌ندێک له‌م وڵاتانه په‌نایان داوه به نزیکان و دۆستانی فه‌تحۆلڵا گۆله‌ن که سه‌رچاوه‌ی کودتای ساڵی پاره و داوای له ئه‌مه‌ریکا کردوه گۆله‌ن ڕاده‌ستی تۆرکیا بکاته‌وه‌ به‌ڵام ئه‌مه‌ریکا ژێر باری ئه‌و داواکاریه‌ نه‌چوه. گۆلن ئه‌و تۆمه‌تانه ڕه‌ت ده‌کاته‌وه.

بڕیار وایه ئه‌ردۆغان شه‌ممه‌ 15 مانگی حه‌وت له‌ ڕێپێوانی سه‌ر پردی بسفۆڕی ستانبوول به‌شداری بکات که ساڵی پار لایه‌نگرانی له وێ به‌ره‌نگاری سه‌ربازه‌کان بوون و کودتاکه شکه‌ستی هێنا.

ئه‌ردۆغان هه‌روه‌ها له کۆبوونه‌وه‌ی تایبه‌تی په‌رله‌مانی تورکیا ئاماده ده‌بێت. هه‌ینی حکوومه‌تی تورکیا له به‌ره‌و پێش چوونی ساڵیادی کودتا بۆ جارێکی تر له ناکاو نزیک به 7000 کارمه‌ند و مامۆستا و هێزی سه‌ربازی و پۆلیسی له کار ولانا. ده‌رکردنی زیاتر له 300 هه‌زار که‌س له یه‌ک ساڵی ڕابردوودا له‌و وڵاته رخنه‌ی زوری لیکه‌وتوه‌ته‌وه.

XS
SM
MD
LG