Accessibility links

دوای هێرشکردنە سەر باڵیۆزخانەی ئەمەریکا لە تورکیا دوو کەس دەستگیرکران


بەرپرسانی تورکی دوو کەسیان دەستگیرکرد کە گومانی ئەوەیان لێدەکرێت ئەوان بووبێتن فیشەکیان بە ئاڕاستەی باڵیۆزخانەی ئەمەریکا لە ئەنقەرە تەقاندبێت، ئەم هێرشەش هاوکاتە لەگەڵ زیادبوونی گرژییەکانی نێوان تورکیا و ئەمەریکا بەهۆی دادگاییکردنی قەشە ئەمەریکییەکەوە لە تورکیا.

وتەبێژی سەرۆکی تورکیا ڕەجەب تەیب ئەردۆگان سەرکۆنەی هێرشەکەی کرد و بە ئاژاوەگێڕی ناودێری کرد. وەزارەتی دەرەوەی تورکیا وتی ڕێوشوێنە ئەمنییەکانی لە باڵیۆزخانە و دامەزراوەکانی دیکەی ئەمەریکا و کارمەندە ئەمەریکییەکان توندتر کردۆتەوە.

ئۆفیسی فەرمانڕەوا لە ئەنقەرە وتی هێرشبەرەکان شەش فیشەکیان ناوە بە دەرگای ئاسایشی باڵیۆزخانەکەوە و ئوتومبێلێکی سپیان پێبووە لە نزیک کاتژمێر 5ی بەیانیدا، سێ فیشەکیان بەر دەرگا و پەنجەرەکە کەوتوون.

ئێوارەی ڕۆژی دووشەممە ئۆفیسەکە بەیاننامەیەکی دیکەی دەرکرد و تیایدا وتی دوو پیاو دەستگیرکراون و دەست بەسەر ئوتومبێل و دەمانچەکانیاندا گیراوە و دانیان ناوە بە تەقەکردنەکەدا.

وتیشی گومانلێکراوەکان تۆماری تاوانیان هەیە و لێکۆڵینەوە لە پەیوەندیی نێوانیان دەکرێت.

وتەبێژی باڵیۆزخانەی ئەمەریکا لە تورکیا دەیڤد جینەر وتی " دەتوانین تەقە کردنەکە لە باڵیۆزخانەی ئەمەریکا پشت ڕاست بکەینەوە کە بەیانی زوو ڕوویدا. هیچ هەواڵێکمان نیە لە کەوتنەوەی زیانی گیانی و لێکۆڵینەوە لە وردەکارییەکان دەکەین."

وتیشی " سوپاسی پۆلیسی تورکیا دەکەین بۆ ئەو جووڵە خێرایەیان."

لەلای خۆشیەوە ئیبراهیم کالینی وتەبێژی سەرۆکی تورکیا ڕەجەب تەیب ئەردۆگان لە تۆڕی کۆمەڵایەتی تویتەر وتی " ئەمە هەوڵێکی ئاشکرایە بۆ ئاژاوەگێڕی. تورکیا وڵاتێکی پارێزراوە و بەپێی یاسا هەموو دامەزراوە بیانییەکان پارێزراون."

سەرچاوە/ ڕۆیتەرز

XS
SM
MD
LG