Accessibility links

تورکیا سه‌رۆک رێکخراوی لێبوردنی نێونه‌ته‌وه‌یی له‌ وڵات ده‌ستبه‌سه‌ر ده‌کات


ئاژانسی فه‌رمی ئاندۆڵوو له‌ تورکیا ڕایگه‌یاند که‌ سه‌رۆکی ڕێکخراوی لێبوردنی نێونه‌ته‌وه‌یی له‌تورکیا به‌ فه‌رمی ده‌ستگیرکراوه‌ و به‌تۆمه‌تی ئه‌ندامه‌تی له‌گرووپێکی تێرۆرست‌ له‌چاوه‌ڕوانی دادگایی کردندایه‌.

ئه‌و ئاژانسه‌ ڕایگه‌یاند پارێزه‌ر (تانر کیلیچ) له‌ هه‌ریمی ئه‌زمیرله‌ گه‌ڵ پێنج پارێزه‌ری دیکه ده‌ستبه‌رسه‌رکران. ‌به‌ڵام (کیلیچ) ڕۆژی 3شه‌ممه‌ی رابردوو ده‌ستگیرکرابوو.

ڕێکخراوی لێبوردنی نێوده‌ڵه‌تی ده‌ستگیرکردنی کیلیچی به‌ "سته‌می وێرانکار" ناوبرد و ئه‌مینداری گشتی ئه‌و ڕێکخراوه‌ (سلیل شێتی) گوتی ئه‌م پرسه‌ هێمایه‌ک له‌‌ ئه‌و هه‌ڵمه‌ته‌ سته‌مکاریه‌یه‌ که‌ تورکیا له‌ ئاکامی کووده‌تا سه‌رنه‌که‌وتوه‌که‌ ده‌یکات.

له‌وه‌تای هاوینی ڕابردوه‌وه‌ تائیستا به‌تووممه‌تی په‌یوه‌ندیان به‌گوولینه‌وه ‌زیاتر له‌ 50 هه‌زار که‌س ده‌ستگیرکراون و 100،000 کارمه‌ندی گشتی له‌ به‌ر ده‌نگۆی په‌ویوه‌ندی به‌ فه‌تحوڵا گوله‌ن له‌ کاره‌کانیان ده‌رکراون.

XS
SM
MD
LG