Accessibility links

ترامپ: ئامادەکارییەکان بۆ ڕێککەوتن لەگەڵ کۆریای باکور بەردەوامە


سەرۆکی ئاسایشی نیشتمانی کوریای باشوور باس لە سەردانی بۆ کوریای باکوور دەکات. ٨ی مارس، ٢٠١٨ کۆشکی سپی

تڕامپ شەمە لە سەر تویتر بڵاوی کردەوە کە ئەگەر ڕێککەوتن لەگەڵ کۆریای باکوردا بکرێت ئەوا ڕێککەوتنێکی "زۆر باش" دەبێت بۆ جیهان و پێویستە کات و شوێنیش دیاری بکرێت.

دۆناڵد ترەمپ سەرۆکی ئەمریکا ڕایگەیاند، ئامادەکارییەکان بۆ ڕێککەوتن لەگەڵ کۆریای باکور بەردەوامە و ئەگەر ئەنجامبدرێت ئەوا ڕێککەوتنێکی زۆر باش دەبێت.

کۆشکی سپی ڕایگەیاند، دۆناڵد ترامپ سەرۆکی ئەمریکا هیچ کۆبوونەوەیەک ئەنجام نادات هەتا هەنگاو و بڕیاری کرداری لەلایەن کۆریای باکورەوە نەدرێت.

سارا سەندرز وتەبێژی کۆشکی سپی لە کۆنفرانسێکدا پتر روونیکردەوە و گوتی: "ئەگەر کۆریای باکور دەستبەرداری چەکە ئەتۆمییەکانی بێت، هەنگاوێکی گەورەیە و تەواوی جیهان سەلامەت دەبێت."

دوو ڕۆژ لەمەوبەر کۆشکی سپی ڕایگەیاند، دۆناڵد ترامپ ڕازیبووە لەگەڵ سەرۆکی کۆریای باکور کیم جۆن ئون دا کۆببێتەوە، هاوکات کۆبوونەوەکە بە نێوەندگیری کۆریای باشور دەبێت و پێدەچێت مانگی ئایاری داهاتوو ئەنجام بدرێت.

ستیفان دوجاریک وتەبێژی سکرتێری گشتی نەتەوە یەکگرتووەکان لە کۆنفڕانسێکی ڕۆژنامەوانیدا ڕایگەیاند، ئەنتۆنیۆ گوتێرێس سکرتێری گشتی نەتەوە یەکگرتووەکان خۆشحاڵە بە کۆبوونەوەکەی نێوان ترامپ و کیم جۆن ئون.

ئاماژەى بەوەشکردووە "گوتێرێس پشتیوانی لە گشت ئەو ھەوڵانە دەکات کە بە ئامانجی داماڵینی چەکی ئەتۆمی لە نیمچە دوورگەی کۆریادا خراونەتەگەڕ". و هەوڵەکان بەردەوامن.

XS
SM
MD
LG