بەرپرسانی ئەمەریکا رایانگەیاند چەکدارێک لە ماڵێک لە داڵاس حەوت کەس دەکوژێت پێش ئەوەی پۆلیس تەقەی لێبکەن و بیکوژن.
تەقەکردنەکە لە بلانۆ ڕوویداوە کە دەکەوێتە باکووری داڵاس.
وتەبێژی بەڕێوبەرایەتی پۆلیسی بلانۆ دەیڤد تێلی وتی ئەفسەرێکی پۆلیس چەکدارەکەی کوشتووە و ئەفسەرەکە بریندار نەبووە.
لاشەی حەوت کەس لەناو ماڵێکدا لە بلانۆ دۆزرانەوە و دوانی تر رەوانەی نەخۆشخانە کران بۆ وەرگرتنی چارەسەر.
هیچ زانیارییەک نیە لەسەر ئەوەی چەکدارەکە پەیوەندیی هەبووبێت بە قوربانییەکانەوە.
سەرچاوە/ ڕۆیتەرز