Accessibility links

تالیبان ناوچه‌یه‌کی سه‌ره‌کی باکووری ئه‌فغانستان ده‌گرێت


شه‌ڕکه‌رانی تالیبان

یاخی بووانی تالیبان له‌ سێ لاوه‌ هێرشیان بۆ سه‌ گه‌ڕه‌کی سه‌یاد له‌ هه‌ریمی ساری پول له‌ باکووری وڵات برد و لانی که‌م حه‌وت ئه‌ندامی هێزی ئاسایشیان کوشت وه‌ک کاربه‌ده‌ستێکی هه‌ریم گوتی.

زابی ئه‌مانی، گوته‌بێژێک بۆ فه‌رمانداری هه‌ریم، شه‌مه‌ گوتی که‌ دوای دوو ڕۆژ شه‌ری توند له‌ گه‌ڵ هێزه‌کانی ئاسایش یاخیبووان ناوچه‌ی ستراتژیکی میرزاواله‌نیان له‌ گه‌ڕه‌کی سه‌یاد به‌یانی شه‌مه‌ گرت.

ئه‌مانی گوتی: "ئێمه‌ داوای هێزی پشتیوانمان له‌ حکومه‌تی ناوه‌ندی کرد، به‌ داخه‌وه‌ هیچ پشتیوانیمان بۆ نه‌هات، هه‌ بۆیه‌ هێزه‌کانی ئاسایش کۆنتڕۆڵی میرزاواله‌نگیان له‌ ده‌ستدا."

قاری یوسف، گوته‌بێژێکی تالیبان، له‌ نامه‌یه‌کی ئه‌لکتڕۆنی بۆ میدیا ئیدعای به‌رپرسایه‌تی ئه‌و هێرشه‌ی کرد.

ئه‌مانی گوتی 10 له‌‌ شه‌رکه‌رانی تالیبان، له‌ نێویان دا دوو ڕێبه‌ری گرووپه‌که‌، له‌ شه‌ڕه‌که‌دا کوژران و چوار له‌ ئه‌فسه‌رانی هێزه‌کانی ئاسایشی ئه‌فغان برینداربوون.

ئه‌مانی هه‌روه‌ها گوتی ڕاپۆرتی پشت ڕاستنه‌کراو هه‌ن که‌ زیاتر له‌ ده‌ مه‌ده‌نی، له‌ نێویان دا پۆلیسێکی خۆجێی، دوای ئه‌و کوژران که‌ یاخیبووان کۆنتڕۆلی ناوچه‌که‌یان کرد.

له‌ شوێنی تر، به‌ڕێوه‌به‌ری هه‌ریمی بۆ یه‌که‌ی به‌ره‌نگاری به‌نگ و موجه‌ده‌رات له‌ غور له‌ لایه‌ن دوو چه‌کداره‌وه‌ کوژرا، وه‌ک گوته‌بێژێک بۆ سه‌رۆکی پولیسی هه‌ریم له‌ غور، ئیقباڵ نێزامی ڕۆژی شه‌مه‌ گوتی.

که‌س به‌رپرسایه‌تی ئه‌و هێرشه‌ی وئه‌ستۆ نه‌گرتووه‌.

XS
SM
MD
LG