Accessibility links

هێرش ده‌کرێته‌ سه‌ر که‌ناڵێـکی ته‌له‌فیزیۆنی سه‌ر به‌ حکومه‌تی سوریا له‌ نزیـک دیمه‌شق


سوریا ده‌ڵێت کۆمه‌ڵێـک چه‌کدار هه‌ڵیان کوتاوه‌ته‌ سه‌ر باره‌گای که‌ناڵێـکی ته‌له‌فیزیۆنی سه‌ر به‌ حکومه‌ت و له‌ ئاکامدا 7 که‌س کوژراون که‌ سیانیان ڕۆژنامه‌وان بوون و چواره‌که‌ی دیکه‌ پاسه‌وان بوون.
هێرشه‌که‌ به‌ره‌به‌یانی ئه‌مڕۆ چوارشه‌ممه‌ کراوه‌ته‌ سه‌ر که‌ناڵی "الإخبارية السورية" که‌ ده‌که‌وێته‌ نزیک دیمه‌شقی پایته‌خته‌وه‌.
وه‌زیری ڕاگه‌یاندنی سوریا عومران ئه‌لزوعبی گوتوویه‌تی چه‌کدارانی تێرۆرست (واته‌ چه‌کدارانی ئۆپۆزسیۆن) ته‌قه‌مه‌نیـیان له‌ سـتۆدیۆکانی که‌ناڵه‌که‌ داناوه‌ و وێرانیان کردووه‌. به‌ڵام ئۆپـۆزسیۆن ئه‌و قسانه‌ی زوعبیـیان ڕه‌تکرده‌وه‌ و ده‌ڵێن یه‌که‌یه‌کی پاسه‌وانانی گاردی کۆماری که‌ بۆ پاراسـتنی که‌ناڵه‌که‌ دانرابوون له‌ ده‌سه‌ڵات هه‌ڵگه‌ڕاونه‌ته‌وه‌ و په‌لاماری که‌ناڵه‌که‌یان داوه‌.
XS
SM
MD
LG