Accessibility links

ته‌رمه‌کانی حه‌وت ئه‌ندامی گرووپی به‌رگری مه‌ده‌نی له‌ سوریا دۆزرانه‌وه‌


گرووپی به‌رگری مه‌ده‌نی

زوویه‌کی شه‌مه‌ چه‌کداران هێرشیان بۆ سه‌ر ئافیسی گرووپێکی یارمه‌تی ده‌رمانی له‌ ناوچه‌کانی ژێر کۆنتڕۆڵی ئوپوزسیۆن برد، حه‌وت که‌سیان کوشت و ئوتوموبیل و ئامێره‌کانیان له‌ گه‌ڵ خۆیان بردن، وه‌ک ئه‌و گرووپه‌ و چالاکێکی ئوپوزسیۆن گوتی.

گرووپی به‌رگری مه‌ده‌نی سورێکان، که‌ زۆرتر به‌ "کڵاو سپێیه‌کان" ناسراون، له‌ لێدوانێکی دا گوتی که‌ هێرشه‌که‌ به‌یانی زوو له‌ شاری سارمین ڕوویدا.

که‌س به‌رپرسایه‌تی بۆ ئه‌و هێرشه‌ ده‌گمه‌نه‌ی وه‌ئه‌ستۆ نه‌گرتووه‌ به‌ڵام له‌ مێانه‌ی گرژی له‌ ناوچه‌که‌دا دێن. سارمین له‌ هه‌ریمی ئیدلیبه‌ که‌ تێدا له‌ نێوان گرووپی ئه‌حرار ئه‌لشام و چه‌کدارانی سه‌ر به‌ ئه‌لقاعیده‌ شه‌ر ڕوویداوه‌.

ڕێکخراوی چاودێری بۆ مافه‌کانی مرۆڤ له‌ سوریا بنکه‌ له‌ له‌نده‌ن گوتی حه‌وته‌که‌سه‌ ده‌سترێژییان له‌ سه‌ر کراوه‌ و ئه‌و کوشتنه‌ کاتێک دۆزرایه‌وه‌ که‌ خۆبه‌خشانی گرووپی به‌رگری مه‌ده‌نی سوریا گه‌یشتنه‌ شوێنه‌که‌ بۆ ئه‌وه‌ی ده‌ست به‌ کار بکه‌ن که‌ ته‌رمی هاوڕێکانی خۆیان دۆزیه‌وه‌.

هه‌روه‌ها چالاکێکی ئوپوزسیۆن به‌ ئاژانسی ئاسۆشێتدپرێسی گوت که‌ هێرشه‌به‌ران بۆ کوشتنی ئه‌و که‌سانه‌ جۆره‌ ده‌مانچه‌یه‌کیان به‌ کارهێنا که‌ خه‌فه‌کردنی ده‌نگیان له‌ سه‌ر بوو بۆیه‌ خه‌ڵکی نزیک ئه‌و شوێنه‌ به‌ ئه‌و ڕووداوه‌یان نه‌زانی.

سارمین شوێنێکی به‌ هێزی گرووپی توندڕه‌وی جوند ئه‌ل-ئه‌قسا بوو که‌ پاره‌که‌ له‌ گه‌ڵ ئه‌لقاعێده‌ به‌ شه‌ڕ هاتن پێش ئه‌وه‌ی گه‌لێک له‌ ئه‌ندامانی ڕێگایان پێ بدرێت بچنه‌ ناوچه‌کانی ژێر کۆنتڕۆڵی داعش.

XS
SM
MD
LG