Accessibility links

حکومه‌تی سوریا شارۆچکه‌ی میادین ده‌گرێت


میدیاکانی سوریا بڵاویانکرده‌وه‌ دوای چه‌ند هه‌فته‌یه‌ک له‌شه‌ڕ، هێزی سه‌ر به‌ حکومه‌ت کۆنترۆڵی شارۆچکه‌ی مه‌یادینی کردوه‌، ئه‌وه‌ی ناوه‌ندێکی به‌هێزی ده‌و‌ڵه‌تی ئیسلامی بوو له‌ ڕۆژهه‌ڵاتی ئه‌و وڵاتدا.

هه‌روه‌ها میدیای ناوه‌ندی سه‌ربازی که‌ سه‌ربه‌ به‌هێزی سه‌ربازی سوریایه‌ بڵاویکرده‌وه‌، دوای شه‌ڕی قورس ئه‌مرۆ شه‌ممه‌ هێزی سه‌ربازی و هێزی هاوپه‌یمانه‌کانی کۆنترۆڵی ته‌واوی شارۆچکه‌که‌یان کردوه‌.

که‌نا‌ڵی ڕاگه‌یاندنه‌که‌ی سه‌ربه‌ حکومه‌ت به‌ وته‌ی به‌رپرسێکی سه‌ربازی بێ ناوهێنای بڵاویشی کرده‌وه‌، به‌رگری چه‌کداره‌کان داڕماوه‌ و سه‌ربازه‌کانی چه‌کداران له‌ مه‌یادین ڕاوده‌نێن، له‌کاتێکدا ئه‌ندازیارانی سه‌ربازی مینی چێنراو و دانراو له‌شاره‌که‌ پووچه‌ڵده‌که‌نه‌وه‌.

سه‌رۆکی ڕوانگه‌ی مافی مرۆڤی سوریا ڕامی عه‌بدوڵ ره‌حمان گوتی هێزی حکومه‌ت که‌ چه‌کدارانی شیعه‌ پشتیوانی ده‌کات، کۆنترۆڵی شاره‌که‌ی کردوه‌، به‌ڵام هێشتا به‌وردی به‌دوای چه‌کداران دا ده‌گه‌ڕێن.

دوای له‌ده‌ستدانی مۆڵگه‌کانی له‌سوریادا، مه‌یادین وه‌ک په‌نا‌گه‌یه‌کی ڕابه‌رایه‌تی ڕێکخراوی ده‌وڵه‌تی ئیسلامی ده‌رکه‌وت.

XS
SM
MD
LG