Accessibility links

سه‌رهه‌ڵداوانی سوریا: ئاگربه‌ست 'بێ بایخ' ده‌بێت ئه‌گه‌ر حکومه‌تی سوریا درێژه‌ به‌ پێشێلکردنی بدات


گرووپه‌کانی سه‌رهه‌ڵداوی سوریا ئه‌مڕۆ گوتیان ئه‌وان ڕێکه‌وتنێکی ئاشتی به‌ نێوبژی ڕووسیا و تورکیا به‌ "بێ بایه‌خ" له‌ به‌رچاوده‌گرن ئه‌گه‌ر هێزه‌کانی حکومه‌تی سوریا و هاوپه‌یمانانی هه‌روا درێژه‌ به‌ پێشێلکردنی بده‌ن.

ڕووسیا، که‌ پشتیوانی له‌ حکومه‌تی سوریا ده‌کات، به‌ جیدی داوای له‌ نه‌ته‌وه‌یه‌کگرتووه‌کان کردوه‌ پشتیوانی له‌ ئه‌و ئاگربه‌سته‌ بکات که‌ ده‌بێته‌ سێهه‌م ساڵ له‌ هه‌وڵیدایه‌ بۆ ئه‌وه‌ی کۆتایی به‌ شه‌ڕی نزیکه‌ی شه‌ش ساڵه‌ له‌ سوریادا بهێنێت.

شه‌ڕ و پێکدادان و هێرشه‌کانی ئاسمانی له‌ چه‌ندین ناوچه‌ هه‌روا به‌رده‌وام بوونه‌ له‌ وه‌تا ئاگربه‌ست ڕۆژی هه‌ینی ده‌ستی پێکردووه‌، ئه‌گه‌رچی ڕێکخراوی چاودێری بۆ مافه‌کانی مرۆڤ ئه‌مڕۆ شه‌مه‌ گوتی که‌ ڕێکه‌وتنه‌که‌ به‌ شێوه‌یه‌کی به‌رفره‌وان ده‌چێته‌ پێش.

لێدوانێکی واژۆکراو له‌ لایه‌ن ژماره‌یه‌ک له‌ گرووپه‌کانی سه‌رهه‌ڵداو گوتی، "درێژه‌ی پێشێلکارییه‌کان له‌ لایه‌ن حکومه‌ت و بۆمباران و هه‌وڵه‌کانی هێرش بۆ سه‌ر ناوچه‌کانی ژێر کۆنتڕۆلی لایه‌نه‌کانی شۆڕشگێری وا ده‌کات ڕێکه‌وتنه‌که‌ " بێ بایه‌خ" بێت.

ئه‌و لێدوانه‌ گوتی هێزه‌کانی حکومه‌ت و لایه‌نه‌کانی هه‌وڵیان داوه‌ به‌ تایبه‌تی له‌ ناوچه‌ی باکووری ڕۆژئاوای دمشق پێشڕه‌وی بکه‌ن.

ناڕوونی سه‌باره‌ت به‌ ئه‌وه‌ هه‌بووه‌ که‌ کام گرووپه‌کان له‌ ئۆپوزسیۆن له‌ نێو ئاگربه‌سته‌که‌دان. داعش، که‌ له‌ نێو شه‌ڕه‌که‌دا له‌ نێو هه‌موو لایه‌نه‌کان خۆی کردووه‌ به‌ دوژمن، له‌ نێو ئاگربه‌سته‌که‌دا نیه‌.

له‌شکری سوریا پێنج شه‌مه‌ گوتی گرووپی ملیتان که‌ پێشتر وه‌ک به‌ره‌ی نوسرا ناسراو بوو به‌شێک له‌ ئاگربه‌سته‌که‌ نیه‌. به‌ڵام، چه‌ندین کاربه‌ده‌ستی سه‌رهه‌ڵداو گوتیان گرووپه‌، که‌ ناوی خۆی به‌ جه‌بهه‌ت فاتیح ئه‌ل-شام گۆڕێوه‌، له‌ نێو ڕێکه‌وتنی ئاگربه‌سته‌که‌ دایه‌.

XS
SM
MD
LG