سەرۆکی کۆمسیۆنی مافەکانی مرۆڤی سەر بە نەتەوە یەکگرتووەکان میشێل باشلێی داوای لە هێزەکانی ئاسایشی سودان کرد هێرشەکانیان بۆ سەر خێمەی خۆپیشاندەران ڕابگرن لە خەرتومی پایتەختی سودان و ڕێگە بە تیمەکانی تەندروستی بدەن یارمەتی بریندارەکان بدەن، ئەمەش دوای ئەوەی هەواڵی کوژرانی بەلایەنی کەمەوە 13 کەس بڵاوبۆوە.
باشلێی لە بەیاننامەیەکدا وتی " زۆر بەداخەوەم سەبارەت بەوەی بە ڕوون و ئاشکرا هێز بەکاردەهێنرێت دژی خێمەی خۆپیشاندەران. هەواڵی بەکارهێنانی هێز و تەقەمەنی لە نزیک دامەزراوە تەندروستیەکان و ناوەوەشیان جێی نیگەرانییەکی زۆرە."
وتیشی " داوا لە هێزەکانی ئاسایش دەکەم بەزووترین کات ئەم هێرشانە ڕابگرن و گرەنتی گەیشتنی تیمەکانی تەندروستی بدەن بەبێ هیچ بەربەستێک و بەپارێزراوی تاوەکو یارمەتی ئەو کەسانە بدەن کە پێویستیانە."
سەرچاوە/ ڕۆیتەرز