Accessibility links

کۆمپانیای سینۆفارمی چینی دەڵێت ڤاکسینەکەی دژی کۆرۆنا لە سەدا 79 کاریگەرە


تاقیگەکانی کۆمپانیای سینۆفارمی چینی ڕایانگەیاند یەکێک لە ڤاکسینەکانیان دژی ڤایرۆسی کۆرۆنا لە سەدا 79 کاریگەرە.

سینۆفارم یەکەمین کۆمپانیای چینیە ڕێژەی کاریگەری ڤاکسینەکەی دژی کۆرۆنا بە ژمارە ڕادەگەیەنێت، لەگەڵ ئەوەشدا بەرپرسانی چینی کۆمەڵێک ڤاکسینیان کە هێشتا بە فەڕمی پەسەند نەکراون داوە بە ملیۆنان خەڵک.

سینۆفارم لە بەیاننامەیەکدا وتی ئەو ڤاکسینەی کە تاقیگەکانی " سی ئێن بی جی " پەرەی پێدەدات لە پەکین لە سەدا 79,43 کاریگەرە.

ئەم ڕێژەیەش کەمترە لەو ڕێژانەی هەردوو کۆمپانیای فایزەر و مۆدێرنای ئەمەریکا لەسەر کاریگەریی ڤاکسینەکانیان ڕایانگەیاندووە، فایزەر لە سەدا 95 و مۆدێرنا لەسەدا 91.

سەرچاوە/ فرانس پرێس

XS
SM
MD
LG