هێزەکانی سوریای دیموکرات کە لەلایەن ئەمەریکاوە پشتیوانیان لێدەکرێت بەڵێنیدا هێرشەکانیان بۆ سەر ڕێکخراوی داعش زیاد بکەن، ئەمەش ڕۆژێک دوای ئەوەی ڕێکخراوی داعش هێرشێکی لە باکووری سوریادا ئەنجامدا و بووە هۆی کوژرانی دوو سەربازیی ئەمەریکی.
هێزەکانی سوریای دیموکرات بە ڕابەرایەتی یەکینەکانی پاراستنی گەلی کورد لە بەیاننامەیەکدا ڕایگەیاند " بە هاوکاری هاوپەیمانێتی نێودەوڵەتی ئەرکە سەربازییەکانمان دژی ڕێکخراوی داعش زیاد دەکەین و شانە نوستووەکانیان لەناو دەبەین و وئاشتی و سەقامگیری دەهێنین بۆ ناوچەکەمان."
جێی ئاماژەیە لەم هەفتەیدا هێزەکانی سوریای دیموکرات شارۆچکەی سوسەی ڕۆژهەڵاتی سوریایان کۆنتڕۆڵکردەوە و نزیکەی 120 چەکداری ڕێکخراوی داعش خۆیاندا بە دەستەوە، بەمەش ئێستا لە ڕۆژهەڵاتی سوریادا ڕێکخراوی داعش تەنها چەند ناوچەیەکی کەمیان لەژێر دەستدا ماوە.
سەرچاوە/ ڕۆیتەرز