Accessibility links

سعودیە دەست دەگرێت بەسەر 14.4 ملیۆن حەبی ماددە هۆشبەرەکاندا


سعودیە ڕایگەیاند شکستیان بە هەوڵێکی دزەپێکردنی 14.4 ملیۆن حەبی ئامفیتامین لە لوبنانەوە بۆ وڵاتەکە هێناوە، ئەمەش دوو مانگ دوای ئەوەی بەرووبوومە کشتوکاڵییەکانی لوبنانی قەدەغەکرد و ئاماژەی بەوەدا دزەپێکردنی ماددە هۆشبەرەکان زیادیکردووە.

دەزگای هەواڵی سعودیە لە ڕاپۆرتێکدا ئاماژەی بەوەدا بەڕێوبەرایەتی گشتی ڕووبەڕووبوونەوەی ماددە هۆشبەرەکان بە هەماهەنگی لەگەڵ لیژنەی زەکات و باج و گومرگدا لە بەندەری جەددەی ئیسلامی دەستیگرتووە بەسەر حەبەکاندا کە لە ناو بارێکی ئاسندا شاردرابوونەوە.

وتیشی هاوڵاتیەکی سعودیش دەستگیرکراوە و ڕەوانەی بەڕێوبەرایەتی گشتی پۆلیس کراوە.

لە مانگی چواردا سعودیە بەرووبوومە کشتوکاڵییەکانی لوبنانی قەدەغەکرد و ئاماژەی بەوەدا ئەو باری میوانەی لە لوبنانەوە هاتوونەتە وڵاتەکە بەکارهێندراون بۆ شاردنەوەی ماددە هۆشبەرەکان.

سەرچاوە/ ڕۆیتەرز

XS
SM
MD
LG