Accessibility links

سعودیە داوای درێژکردنەوەی سزای قەدەغەکردنی فرۆشتنی چەک بە ئێران دەکات


وەزیری دەرەوەی سعودیە عادل جوبەیر

وەزیری دەرەوەی سعودیە عادل جوبەیر داوای کرد سزای قەدەغەکردنی فرۆشتنی چەک بە ئێران درێژبکرێتەوە، هەروەها هۆشیاریشیدا لەوەی کۆتایی هاتنی قەدەغەکردنەکە ڕێگە بە تاران دەدات بریکارەکانی زیاتر پڕچەک بکات و سەقامگیری ناوچەکە تێکبدات.

وابڕیارە لە مانگی 10 ی ئەم ساڵدا ماوەی قەدەغەکردنی فرۆشتنی چەک بە ئێران بەسەربچێت، ئەوەش بەپێی ڕێکەوتنە ناوەکییەکەی ساڵی 2015 ی نێوان ئێران و زلهێزەکانی جیهان.

وەزیری دەرەوەی سعودیە عادل جوبەیر لە کۆنگرەیەکی ڕۆژنامەوانی هاوبەشدا لەگەڵ نوێنەری تایبەتی ئەمەریکا بۆ ئێران برایان هوک لە ڕیاز وتی " سەرەڕای گەمارۆی چەک لەسەر ئێران، تاران هەوڵدەدات چەک بدات بە ڕێکخراوە تیرۆریستیەکان، کەواتە ئەگەر سزاکە لاببرێت چی ڕوودەدات؟ ئێران خراپتر و توندڕەوتر دەبێت."

جوبەیر ئەوەشی خستەڕوو ڕۆژی یەکشەممە بارێکی چەکی ئێرانی دەستی بەسەرداگیراوە کە لەڕێگەیدا بووە بۆ حوثییەکانی یەمەن.

جوبەیر وتی " داوا لە کۆمەڵگەی نێودەوڵەتی دەکەین قەدەغەکردنی فرۆشتنی چەک بە ئێران درێژ بکاتەوە تاوەکو نەتوانێت چەک هەناردە بکات و هەروەها کۆتوبەند بخاتە سەر تواناکانی ئێران بۆ فرۆشتنی چەک بە جیهان."

سەرچاوە/ ڕۆیتەرز

XS
SM
MD
LG