سوپای ڕوسیا وتی لەنزیکەوە چاودێری ڕەوشەکەی دەوروبەری سوریا دەکات و ئاگاداری جوڵەی هێزی دەریایی ئەمەریکایە بە ئاڕاستەی سوریا.
هێزی دەریایی ئەمەریکا ڕۆژی سێشەممە ڕایگەیاند کۆمەڵێک کەشتی جەنگی هەڵگری فڕۆکە جەنگییەکان ڕۆژی چوارشەممە بەرەو ڕۆژهەڵاتی ناوەڕاست و ئەوروپا دەجوڵێن.
وەزارەتی بەرگری ڕوسیا لە بەیاننامەیەکدا وتی " لەنزیکەوە چاودێری ڕەوشەکەی دەوروبەری سوریا و هەموو ناوچەکە دەکەین."
وەکو وەڵامدانەوەیەک بۆ لێدوانەکانی سەرۆکی ئەمەریکا دانۆڵد ترامپ سەبارەت بە ئەگەری کردەوەی سەربازیی لە سوریا، وەزارەتی دەرەوەی ڕوسیا وتی " لەجیاتی ئەوەی ئەمەریکا گفتوگۆ لەسەر خۆ ئامادەکردنی هاوپەیمانان بکات بۆ هاویشتنی موشەک بۆ سوریا، دەبوایە دووبارە بنیادی شاری ڕەققەی وێرانکراوی بنایەوە و یارمەتیی پێشکەشی دانیشتوانەکەی بکردایە کە لە ئازار و نەهامەتیدا دەژین."
وەزارەتەکە وتیشی ڕۆژی پێنجشەمە پۆلیسی سەربازی ڕوسیا دەچێتە ناو دۆماوە.
سەرجاوە/ ڕۆیتەرز