نوێنەری ڕوسیا لە نەتەوە یەکگرتووەکان ڤاسێلی نیبینزیا وتی ڕوسیا داوای لە ئەنجومەنی ئاسایشی نێودەوڵەتی کردووە کۆبوونەوەیەک ئەنجام بدەن سەبارەت بە تۆمەتەکانی بەڕیتانیا لەبارەی ژەهراویکردنی سیخوڕەکەی پێشووی ڕوسیا لە بەڕیتانیا.
نیبینزیا وتی کۆبوونەوەکە لەسەر بنەمای پەیامێکە کە سەرۆک وەزیری بەڕیتانیا تێریزا مەی لە 13 ی مانگی سێدا ناردوویەتی بۆ ئەنجومەنەکە و تیایدا وتوویەتی لەوانەیە ڕوسیا بەرپرس بێت لە ژەهراویکردنەکە.
ئەنجومەنی ئاسایشی نێودەوڵەتی سەر بە نەتەوە یەکگرتووەکان لە 14 ی مانگی سێدا لەسەر داوای بەڕیتانیا کۆبوونەوەیەکی سەبارەت بە ڕووداوەکەی شارۆچکەی ساڵزبێری بەڕیتانیا ئەنجامدا.
سەرچاوە/ ڕۆیتەرز