Accessibility links

ئەنجومەنی ئاسایشی هەرێمی کوردستان دەڵێت پێشمەرگە هێرشێکی حەشدی شەعبی تێکشکاندووە


سەرکردایەتی هێزەکانی پێشمەرگە ڕایگەیاند ئەمڕۆ هێرشێکی بەرفراوانی هێزەکانی عێراق و میلیشیاکانی حەشدی شەعبیان لە میحوەری زومار و ڕەبیعە لە باکووری ڕۆژئاوای موسڵ تێکشکاندووە.

سەرۆک ئەرکانی هێزەکانی پێشمەرگە فەریق جەمال ئیمینکی لە لێدوانێکی ڕۆژنامەوانیدا وتی هێزەکانی عێراق و حەشدی شەعبی کاتژمێر پێنجی بەیانی هێرشێکی بەرفراوانیان کردۆتە سەر خەندەقەکانی هێزە کوردییەکان لە هەردوو میحوەری زومار و ڕەبیعە بە ئامانجی ئەوەی خاڵی سنووری فیش خاپوور و ئیبراهیم خەلیل کۆنتڕۆڵ بکەن.

هێزەکانی پێشمەرگە توانیویانە بەرپەرچی هێرشەکە بدەنەوە و شەش ئوتومبێلی درعی سەربازیی لەنێویاندا دوو تانک و فڕۆکەیەکیان تێکشکاندووە، هێرشەکەیان بەتەواوەتی تێکشکاندووە و ڕێیان لە چەکدارەکان گرتووە ئامانجەکەیان بهێننە دی.

ئەیمەنکی وتی سکرتێری گشتی ڕێکخراوی بەدر و سەرکردەی چەکدارانی حەشدی شەعبی هادی عامری سەرپەرشتیاری هێرشەکەی کردووە لە میحوەری زومار لەکاتێکدا جێگرەکەی خۆی مەهدی موهەندیس سەرپەرشتیاری هێرشەکەی کردووە لە میحوەری ڕەبیعە.

هێزەکانی عێراق ڕۆژی سێشەممە هەوڵیاندا کۆنتڕۆڵی ناوچەکە بکەن بەڵام هێزەکانی پێشمەرگە بەرپەرچیان دانەوە.

سەرچاوە/ سکای نیوز

XS
SM
MD
LG