Accessibility links

پاکستان: کوژرانی ڕێبه‌ری تالیبانی پاکستان زۆر گرنگه‌


مه‌لا فه‌زلوڵا، ڕێبه‌ری تالیبانی پاکستان

گوته‌بێژی تالیبانی ئه‌فغانستان ده‌ڵێت ناتوانێت پشتڕاستی کوژرانی فه‌زلوڵا بکات.

ناسر ئه‌لمولک که‌ سه‌رپه‌رستی حکومه‌تی پاکستان ده‌کات کوژرانی سه‌رۆکی تالیبانی پاکستان مولا فه‌زلوڵاله‌ لایه‌ن فڕۆکه‌ی بێ فرۆکه‌وانی ئه‌مه‌ریکای به‌ "رووداوێکی زۆر گرنگ" له‌ شه‌ر به‌ دژی تێرۆرزم زانی.

ناوبراو ئه‌و لێدوانه‌ی له‌ ماوه‌ی وتووێژێکی ته‌له‌فۆنی هه‌ینی شه‌و له‌ گه‌ڵ سه‌رۆکی ئه‌فغان ئه‌شڕه‌ف غه‌نی دا کرد و سپاسیشی کرد که‌ سه‌باره‌ت به‌ کوژرانی ئه‌و ڕێبه‌ره‌ی تالیبان ئاگاداری کردۆته‌وه‌ وه‌ک حکومه‌تی پاکستان له‌ لێدوانێک دا ئاماژه‌ی پێده‌کات.

کاربه‌ده‌ستێکی ئه‌مه‌ریکا گوتی ئه‌مه‌ریکا باوه‌ڕی وایه‌ وێده‌چێت که‌ هێرشه‌که‌ فه‌زلوڵای کوشبێت، به‌ڵام هه‌وڵ به‌ڕێوه‌ن که‌ پشتڕاستی ئه‌و هه‌واڵه‌ بکات. ئه‌و کاربه‌ده‌سته‌ ناوی خۆی نه‌هێنا بۆ ئه‌وه‌ی زانیاری له‌ ئه‌م باره‌یه‌وه‌ دابین بکات.

هێرشی فڕۆکه‌ی بێ فڕۆکه‌وان بۆ سه‌ر ئوتوموبیلێک له‌ ڕۆژی پێنج شه‌مه‌دا ئه‌نجامدرا ‌ که‌ به‌ پێێ ڕاپۆرت 5 که‌سی تریش له‌ گه‌ڵ فه‌زلوڵا بوون و هه‌ر چه‌ند کاتژمێر پێش ئه‌وه‌ ڕوویدا که‌ تالیبانی ئه‌فغانستان سێ ڕۆژ ته‌قه‌وه‌ستاندنی ده‌ست پێکرد.

ئاسۆشێتێدپرێس له‌ گه‌ڵ عه‌بدولا فه‌یزانی، شه‌رکه‌رێکی تالیبان خه‌ڵکی ناوچه‌ی باراکی لۆگار قسه‌ی کرد و گوتی، "گه‌لێک خۆشحاڵم که‌ ته‌قه‌وه‌ستاندنه‌ و جێگای داخه که‌ ئه‌فغانییه‌کان ڕۆژانه‌ یه‌کتر ده‌کوژن."ئه‌و گوتی 15 له‌ دۆسته‌کانی له‌ شه‌ڕ له‌ گه‌ڵ هێزه‌کانی ئاسایش له‌ ماوه‌ی ساڵێکدا کوژراون که‌ هه‌موویان تالیبان بوون."

هه‌روه‌ها ئه‌و داوای به‌رفره‌وان کردنه‌وه‌ی ته‌قه‌وه‌ستاندنی کرد، به‌ڵام گوتیشی چه‌ک بۆ هه‌میشه‌ دانانێت هه‌تا "هه‌موو سه‌ربازی بیانی ئه‌فغانستان به‌ جێ دێڵن.

XS
SM
MD
LG