Accessibility links

ناگۆرنۆ کاراباخ: جنێڤ میوانداری کۆبوونەوەیەکی نێودەوڵەتی دەکات بۆ نێوەندگیریکردن لە ململانێکانی ناوچەکەدا


شاری جنێڤی سویسرا یەکەمین کۆبوونەوەی نێودەوڵەتی ساز دەکات بەمەبەستی نێوەندگیریکردن لە ململانێکانی نێوان ئازەربایجان و ئەرمینیادا لەسەر هەرێمی ناگۆرنۆ کاراباخ، ئازەربایجان ئاماژەی بەوەدا وەزیری دەرەوەی وڵاتەکەی لەگەڵ ڕابەرانی کۆمەڵەی مینسکدا کۆدەبێتەوە کە هەریەک لە فەڕەنسا و ڕوسیا و ئەمەریکا لەخۆدەگرێت.

بەڵام ئەرمینیا بەدووریزانی لەم کۆبوونەوەیەدا وەزیری دەرەوەی وڵاتەکەی لەگەڵ وەزیری دەرەوەی ئازەربایجاندا کۆببێتەوە.

بەهۆی شەڕ و پێکدادانەکانەوە لە هەرێمی ناگۆرنۆ کاراباخ نیوەی دانیشتوانی هەرێمەکە کە زۆرینەیان ئەرمەنین ئاوارەبوون.

لەلای خۆیەوە سەرۆکی ڕوسیا ڤلادیمێر پوتن داوای کرد ئەم " کارەساتە " بوەستێنرێت کە لە ئێستادا هیچ ئاماژەیەک نیە لەسەر ئەوەی پێکدادانەکان کەم ببنەوە.

لە چاوپێکەوتنێکی تەلەفیزیۆنیدا پوتن وتی " کارەساتێکی گەورەیە. خەڵک دەمرن. هیوادارین بەزووترین کات شەڕ و پێکدادانەکان بوەستن."

لەلایەکی دیکەوە ئازەربایجان ڕایگەیاند وەزیری دەرەوەی وڵاتەکەی جیهۆن بێرمۆڤ سەردانی جنێڤ دەکات و لەگەڵ ڕابەرانی کۆمەڵەی مینسکدا کۆدەبێتەوە، کۆمەڵەکەش پێکهاتوون لە فەڕەنسا و ڕوسیا و ئەمەریکا و لە ساڵی نەوەدەکانەوە هەوڵدەدەن ئەم ململانێیەی نێوان ئازەربایجان و ئەرمینیا چارەسەر بکەن.

بەڵام ئەرمینیا بەدووریزانی وەزیری دەرەوەی وڵاتەکەی زەهراب مناتساکانیان لەگەڵ هاوتا ئازەربایجانیەکەیدا کۆببێتەوە و وتی " مەحاڵە دانوستان بکرێت و لە هەمان کاتیشدا ئەرکە سەربازییەکان بەردەوام بن."

سەرچاوە/ فرانس پرێس

XS
SM
MD
LG