Accessibility links

مەی جەخت دەکاتەوە لەسەر پابەندبوونی بەڕیتانیا بە ڕێکەوتنە ناوەکییەکەی ئێرانەوە


سەرۆک وەزیری بەڕیتانیا تێریزا مەی

سەرۆک وەزیری بەڕیتانیا تێریزا مەی بە سەرۆکی ئێران حەسەن ڕۆحانی ڕاگەیاند کە وڵاتەکەی و هاوبەشە ئەوروپییەکانی هێشتا پابەندن بە پشتیوانیکردن لە ڕێکەوتنە ناوەکییەکەوە.

لە پەیوەندییەکی تەلەفونیدا سەرۆک وەزیری بەڕیتانیا تێریزا مەی بە حەسەن ڕۆحانی وتووە دەبێت ئێران بەردەوام بێت لە جێبەجێکردنی بەرپرسیارێتییەکانی لە ڕێکەوتنە ناوەکییەکەدا.

ئۆفیسی تێریزا مەی دوای پەیوەندییە تەلەفونییەکە ڕایگەیاند " هەردوو ڕێبەرەکە ڕێکەوتن لەسەر گرنگی بەردەوام بوونی گفتوگۆکانی نێوان دوو وڵاتەکە و چاوەڕێی کۆبوونەوەکەی ڕۆژی سێشەممەی وەزیرانی دەرەوەی بەڕیتانیا و ئەڵمانیا و فەڕەنسا و ئێران لە بڕۆکسل دەکەن."

سەرچاوە/ ڕۆیتەرز

XS
SM
MD
LG