Accessibility links

هێرشبه‌ره‌که‌ی لاس ڤێگه‌س پێش هێرشه‌که‌ چه‌ندین ژووری له‌ هۆتێل ته‌رخان کردبوو


ستیڤن په‌داک، هێرشبه‌ره‌که‌ی ڕووداوی شاری لاس ڤێگه‌س، ئه‌مه‌ریکا

چه‌ندین رۆژ و مانگ پێش ئه‌وه‌ی ستیڤن په‌ده‌ک هه‌ره‌ دزیۆترین کوشتنی به‌ کۆمه‌ڵ له‌ مێژووی ئه‌م دواییانه‌ی ئه‌مه‌ریکا دا به‌ڕێوه‌به‌رێت، چه‌ندین ژووی هۆتێلی به‌ کرێ گرت که‌ ده‌ێڕوانیه‌ سه‌ر بۆنه‌کانی موزیک له‌ شاره‌کانی لاس ڤێگه‌س و شیکاگو، وه‌ک کاربه‌ده‌ستانی چه‌سپاندنی یاسای ئه‌مه‌ریکا ده‌ڵێن.

ڕاپۆرته‌کانی ده‌زگاکانی ڕاگه‌یاندن گوته‌کانی کاربه‌ده‌ستانی به‌شی چه‌سپاندنی یاسا دێننه‌وه‌ که‌ ده‌ڵێن په‌ده‌ك دوو ژووری له‌ شیکاگۆ ته‌رخان کردبوو که‌ ده‌ێروانیه‌ فستڤالێ لۆلاپالووزا، شوێنێک ساڵانه‌ سه‌دان هه‌رزار که‌س له‌ بۆنه‌ی موزیک له‌ مانگی ئاگوست دا به‌شداری تێداده‌که‌ن. پاداک نه‌چووبۆ نێو ژووره‌که‌ی و نه‌زانراوه‌ داخوا ئه‌و له‌ شاری شیکاگو بوو یان نا کاتێک له‌ کۆتایی حه‌وتوو هێرشه‌که‌ی له‌ لاس ڤێگاس به‌ڕێوه‌برد.

ژووره‌کان له‌ شاری لاس ڤێگه‌س ژێر ناوی خۆی بوون که‌ ده‌یڕوانیه‌ سه‌ر فستیڤالی موزیک حه‌وتوویه‌ک پێش هێرشه‌ که‌ دره‌نگانی یه‌ک شه‌مه‌ ڕوویدا، وه‌ک سه‌رۆکی پولیس جۆزێف لامباردۆ له‌ ئوستانی کلارک ڕایگه‌یاند.

کارمه‌ندانی هۆتێله‌که‌ گوتیان هێرشبه‌ره‌که‌ به‌ تایبه‌تی داوای کرد بوو که‌ ژووری هه‌ره‌ قاتی سه‌رێی پێ بده‌ن که‌ بڕوانێته‌ سه‌ر هێلی سه‌ره‌کی هاتوو چوو به‌ جۆرێک فستیڤالی موزیکه‌که‌ی به‌ جوانی لێدیاربوو‌.

LAS VEGAS JOE LOMBARDO
LAS VEGAS JOE LOMBARDO

کاربه‌ده‌ستان هێشتاش لێکوڵینه‌وه‌ ده‌که‌ن که‌ هۆی ئه‌م هێرشه‌ چی بووه‌.

دانۆڵد تڕامپ چوارشه‌مه‌ هاوخه‌می له‌ گه‌ڵ بنه‌ماڵه‌ی کوژراوانی ڕووداوه‌که‌ کرد و چاوی به‌ پولیس و به‌شی وه‌ڵامدانه‌وه‌ی به‌ ئه‌و ڕووداوه‌ کرد. ئه‌و له‌ به‌شێک له‌ گوته‌کانی دا سپاسی کارمه‌ندانی ده‌رمانی و به‌شی ته‌نگه‌تاوی کرد که‌ وه‌ڵامی کوشتاری یه‌کشه‌مه‌یان داوه‌.

"ئه‌وه‌ی ئه‌من ئه‌مڕۆ دیتم وه‌ک هه‌وڵێکی لێوه‌شاوه‌ و لێزانانه‌ ده‌چێت که‌ وا ده‌کات شانازی بکه‌ی وڵاتێکی ئه‌مه‌ریکی."

سه‌رۆکی پولیس گوتی گه‌لێک گرنگه‌ له‌ گه‌ڵ هه‌ر که‌سێک قسه‌ بکه‌ین ئه‌وانه‌ی زانیاریان سه‌باره‌ت به‌ هێرشبه‌رکه‌ هه‌یه‌ و ئه‌گه‌ری ئه‌وه‌ش هه‌یه‌ هه‌وڵی دابێت هاوکاری بۆ ئه‌م هێڕشه‌ی بدۆزێته‌وه‌.

له‌ هه‌مان کاتدا، ژماره‌ی برینداران یه‌ک شه‌مه‌ شه‌و له‌ 500 که‌س را بو 489 که‌س که‌م کراوه‌ته‌وه‌. سه‌رۆکی پولیس گوتی دوای ڕووداوه‌که‌ له‌ دۆخێکی نائاسایی دا هه‌ندێک له‌ برینداران دوو جار ژمێردرابوون.

زوویه‌کی چوارشه‌مه‌،پارێزه‌ری ماریلوو دانلێی، دۆسته‌ کچه‌که‌ی هێرشبه‌ره‌که، گوتی ئه‌و خانمه‌ هیچ ئاگاداری ئه‌وه‌ نه‌بووه‌ که‌ په‌داک خه‌ریکی پلان دانانی هێرشێکی له‌ ئه‌و چه‌شنه‌یه‌.

"ئه‌و هه‌رگیز هیچ شتیکی نه‌ بۆمن باس کرد و نه‌ هیچ کرده‌وه‌یه‌کی له‌ خۆ نیشان دا که‌ ئاگادار بم و تێبگه‌م که‌ ئه‌وه‌ هوشداردانێک بێ که‌ کاره‌ساتێکی ئاوای لێ ده‌که‌ویته‌وه‌."

کارمه‌ندانی ئاژانسی ئێف بی ئای کاتێکی زۆریان ته‌رخان کرد بۆ ئه‌وه‌ی له‌ شاری لوس ئانجلس پرس و لێکولینه‌وه‌ له‌ سه‌ر دۆسته‌ کچی هێرشبه‌ره‌که‌ ئه‌نجام بده‌ن. پارێزه‌ری ئه‌و خانمه‌ گوتی ئه‌و بۆ دیتنی بنه‌ماڵه‌که‌ی له‌ سه‌ردانی فیلیپین بوو. په‌ده‌ک 100 هه‌زار دوڵاری بۆ نارد بوو که‌ خانوویه‌ک له‌ فیلیپین بکڕێت.

ماریلوو ده‌نلێی، دۆسته‌ کچی هێرشبه‌ره‌که‌
ماریلوو ده‌نلێی، دۆسته‌ کچی هێرشبه‌ره‌که‌

لێکوله‌رانی ئیف بی ئای 23 چه‌کیان له‌ ژووری ئه‌و هۆتێله‌ دا دیته‌وه‌ که‌ په‌ده‌ک به‌ کرێیگرتبوو له‌ گه‌ڵ 12 که‌ره‌سه‌ که‌ وای ده‌کرت چه‌ک به‌رده‌وام ته‌قه‌ بکات. هه‌روه‌ها ناوبراو چه‌ندین کامێرای دامه‌زراندبوو بۆ ئه‌وه‌ی چاوی له‌ ڕاهرۆی ده‌ره‌وه‌ی ژووره‌که‌ی بێت که‌ بتوانێت چاودێری هاتنی پولیس بکات.

سه‌رۆکی پولیس گوتی هێرشبه‌ره‌که‌ نزیکه‌ی 200 گوله‌ی به‌ ده‌سترێژ له‌ ڕاهرۆکه‌دا بوو، له‌ ئاکامدا پاسه‌وانێکی ئاسایشی بریندار کرد ئه‌وه‌ی هاتبوو لێکوڵینه‌وه‌ بکات.

هه‌روه‌ها 27 چه‌ک له‌ دوو ماڵی په‌داک 26له‌ ئه‌یاله‌تی نێڤادا 26 چه‌کیان دۆزیوه‌.

XS
SM
MD
LG