کوەیت ڕایگەیاند بەهۆی ڕێنماییەکانی بەرپرسانی تەندروستی وڵاتەکەوە گەشتە ئاسمانییەکان وڵاتەکە لەگەڵ بەڕیتانیادا ڕادەگرێت، ئەمەش بەهۆی ترس و نیگەرانییەکان لەسەر بڵاوبوونەوەی جۆرێکی نوێی ڤایرۆسی کۆرۆناوە لە بەڕیتانیادا.
بەڕێوبەرایەتی گشتی گەشتەوانی مەدەنی کوەیت وتی " بەپێی ڕێنماییەکانی بەرپرسانی تەندروستی کوەیت، لە ڕۆژی چوارشەممەوە کە دەکاتە 6 ی مانگی یەک گەشتە بازرگانییە ڕاستەوخۆکان بۆ بەڕیتانیا و بەپێجەوانەشەوە لە بەڕیتانیاوە بۆ کوەیت ڕادەگیرێت."
ئەوەشی خستەڕوو " ئەم ڕێوشوێنەی گیراوەتەبەر کاتییە."
سەرچاوە/ ڕۆیتەرز