ڕاوێژکاری کۆشکی سپی جارێد کوشنەر وتی پلانی ئاشتی بۆ ڕۆژهەڵاتی ناوەڕاست خاڵی دەستپێکێکی نوێ دەبێت بۆ چارەسەرکردنی ململانێکانی نێوان ئیسڕائیل و فەڵەستین.
کوشنەر وتی ماوەی دوو ساڵە کار دەکات بۆ ئامادەکردنی پلانی ئاشتی و واپێشبینی دەکرێت لە مانگی حەوتدا پلانەکە ئاشکرا بکرێت دوای کۆتای هاتنی مانگی ڕەمەزان.
کوشنەر وتی " ئەوەی دەتوانین ئامادەی بکەین چارەسەرێکە کە پێمان وایە خاڵی دەستپێکێکی نوێ دەبێت بۆ بابەتە سیاسییەکان و دواتر چوارچێوەیەک بۆ یارمەتیدانی ئەو خەڵکانە بۆ دەستپێکردنی ژیانێکی باشتر."
کوشنەر وتی " ڕاسپێردراوم بۆ دۆزینەوەی چارەسەرێک لەنێوان هەردوولادا و پێم وایە ئەوەی پێشنیاری دەکەین چوارچێوەیەکی کارە و واقعییە، دەکرێت جێبەجێ بکرێت و شتێکە بەجددی دەتوانێت ژیانی هەردوولا باشتر بکات."
سەرچاوە/ ڕۆیتەرز