Accessibility links

کۆچی دوایی مام جه‎لال و قه‌یرانی ڕێبەرایه‌تی سیاسی له حیزبه‌کانی کوردستاندا

  • شاهێد عەلەوی

کۆچی دوایی جه‌لال تاڵه‌بانی سه‌رۆک کۆماری پێشووی عێڕاق و یه‌ک له‌ ڕێبه‌رانی ناسراوی بزووتنه‌وه‌ی کوردی ئه‌و پرسیاره‌ی هێنا ئارایه‌وه‌ که‌ قه‌یرانی نه‌بوونی ڕێبه‌رانی سیاسی چه‌ند له‌ سه‌ر بزووتنه‌وه‌ی کوردی کاریگه‌ره‌ و هۆکاری گرینگی له‌ ڕاده‌به‌ده‌ری بوونی ئه‌م ڕێبه‌رانه‌ بۆ به‌ختی سه‌رکه‌وتوویی بزووتنه‌وه‌که‌ بۆچی ده‌گه‌ڕێته‌وه‌.

چه‌ند قه‌واره‌ی سیاسی حیزبه‌کانی کوردی ئاماده‌ی په‌روه‌رده‌ی کادری سیاسی بلیمه‌ت و ڕێبه‌ر بۆ دواڕۆژه‌ و چه‌ند پێگه‌ی ڕێبه‌رانی کاریزما ڕێگه‌ری درووستبوونی ڕێبه‌رانی نوێیه‌. سونه‌تی به‌رده‌وامی ڕێبه‌رایه‌تی سیاسی له‌ حیزبه‌کانی کوردستانی تا کاتی زیندوومانی ڕێبه‌ره‌کان چه‌ند کاریگه‌ری نه‌رینی له‌ سه‌ر بزووتنه‌وه‌ی کوردی هه‌بوه‌.

کۆمه‌ڵگای کورده‌واری به‌ گشتی، ڕۆشنبیران و چالاکانی سیاسی ده‌ره‌وه‌ی بازنه‌ی حیزبه‌کان چه‌ند له‌ قه‌یرانی "ڕێبه‌رانی سیاسی" به‌رپرسن و چه‌ند توانیویانه‌ ئه‌رکی خۆیان بۆ هێنانه‌ رۆژه‌ڤی ئه‌م باسه‌ و پێشنیاری ڕێگه‌چاره‌ جێ به‌ جێ بکه‌ن.

ئه‌م باسه‌مان له‌ به‌رنامه‌یه‌کی تایبه‌ت سه‌باره‌ت به‌ کۆچی دوایی مام جه‌لال له‌ گه‌ڵ هه‌ر یه‌ک له‌ به‌ڕێزان: دوکتور ئه‌حمه‌د مه‌حمه‌د پور، مامۆستای زانکۆ له‌ بۆستون، دوکتور هاشم ئه‌حمه‌دزاده‌، لێکۆله‌ری زانستی و مامۆستای زانکۆ له‌ ستۆکهۆلم و کاوه‌ ئاهه‌نگه‌ری، نوێنه‌ری حیزبی دیمۆکڕاتی کوردستانی ئێران له‌ بلژیک و ناسر باباخانی لێکۆله‌ری سیاسی تاوتۆ کردووه‌.

XS
SM
MD
LG