Accessibility links

جەعفەر شێخ مستەفا: ژمارەیەکى زۆر چەکدارى داعش لەدەوروبەرى حەویجە کۆبونەتەوە


فەرماندەى هێزەکانى 70 ى پێشمەرگە، ئاماژە بەوەدەکات ژمارەیەکى زۆر چەکدارى داعش لەدەوروبەرى قەزاى حەویجەى رۆژئاواى کەرکوک کۆبوونەتەوە، پلانى زیان گەیاندنیان بە هێزەکانى پێشمەرگە هەیە.

جەعفەر شێخ مستەفا ، بەدەنگى ئەمەریکاى راگەیاند"داعش تواناى هێرشى لەدەوروبەرى کەرکوک ماوە، بەڵام تواناى پاراستن و مانەوەى لەهەر ناوچەیەک نەماوە کە بیەوێت کۆنترۆڵى بکات."

بەپێى وتەى فەرماندەى هێزەکانى 70 ى پێشمەرگە، ئەو چەکدارانەى داعش کە لەدەورەبەرى حەویجە کۆبونەتەوە ، ئەو چەکدارانەن کە پێشتر لە ناوچەکانى ئەنبار و شەرگات و تکریت بوون.

دەربارەى پلانى پێشمەرگە و هێزە عێراقیەکان بۆ دەستپێکردنى هێرشى حەویجە، جەعفەر مستەفا وتى"پێشمەرگە و هێزە عێراقیەکان پلانیان بۆ کۆنترۆڵکردنى حەویجە داڕشتووە و هیچ لایەکیان ، ناتوانن بێ‌ ئەویتریان هێرش بکات."

ئەو چەکدارانەى داعش کە لەدەوروبەرى قەزاى حەویجە کۆبونەتەوە ناوبەناو هەوڵى هێرش کردنە سەر سەنگەرەکانى پێشمەرگە دەدەن ، بۆیە فرۆکەکانى هاوپەیمانان دێنە خەت و بەچڕى بۆردومانیان دەکات.

please wait

No media source currently available

0:00 0:02:27 0:00

XS
SM
MD
LG