Accessibility links

هەڵبژاردنی کیم جۆنگ ئون وەکو سکرتێری گشتی حیزبی فەرمانڕەوا لە کۆریای باکوور


ڕابەری کۆریای باکوور کیم جۆنگ ئون وەکو سکرتێری گشتی حیزبی فەرمانڕەوا لە وڵاتەکە هەڵبژێردرا، ئەمەش لەکاتێکدا پێشتر سەرۆکی حیزبەکە بوو، بەپێی شارەزایان ئامانج لەم گۆڕانکارییە پتەوکردنی دەسەڵاتەکانیەتی بەسەر حیزب و وڵاتەکەدا.

کۆریای باکوور بەهۆی سزا نێودەوڵەتیەکانەوە زیانێکی زۆری بەرکەوتووە و لە ئێستادا بەهۆی دەرەنجامی بڵاوبوونەوەی پەتای کۆرۆناوە ئابووری وڵاتەکە زیانێکی گەورەی بەرکەوتووە.

دەزگای هەواڵی ناوەندی کۆریای باکوور ئاماژەی بەوەدا ڕۆژی یەکشەممە کیم جۆنگ ئون " بە کۆی دەنگ " بۆ پۆستی سکرتێری گشتی حیزبەکە هەڵبژێردرا.

پێنج ساڵ لەمەوبەر و لەمیانەی کۆنگرەی حیزبەکەدا کیم وەکو سەرۆکی حیزبی کرێکاران هەڵبژێردرا.

ئەم هەنگاوەش هەلێکە بۆ پتەوکردنی پێگەی ڕابەری کۆریای باکوور کە لە ساڵی 2011 دا لە باوکییەوە دەسەڵاتی بۆمایەوە.

سەرچاوە/ فرانس پرێس

XS
SM
MD
LG