Accessibility links

عه‌مار گوڵی: هێزی پێشمه‌رگه هێزێکی یه‌کگرتوو نیه و هه‌ر لیوایێکی سه‌ر به که‌سێکه و بە گشتی پەرتەوازەن

  • شاهێد عەلەوی

لەشکری عێراق دەڵێت هێزە سەربازییەکانی ئەم وڵاتە دەستیان گرتووە بەسەر شارەکانی کەرکوک، داقوق و خۆرماتوو کە بە ناوچە دابڕێندراوەکان دادەنرێت. ئەمەش دوابەدوای ئەو داوایەی حەیدەر عەبادی سەرۆک وەزیری عێراق دێت کە لە چەکدارەکانی سەر بە حکومەتی کردبوو بۆ سەپاندنی ئاسایش لە کەرکوکدا.

لە پەیامێکدا بۆ عێراقیەکان، عەبادی دەڵێت ئەوەی عیراق کردوویەتی جێبەجێکردنی ئەرکی دەستورییە و بۆ جێگیرکردنی دەسەڵاتی فێدراڵی و سەپاندنی ئاسایش و پاراستنی سامانی نیشتمانی لە شارەکەدا و دەشڵێت حکومەتی عێراق ژیانێکی ئاشتیانە دەخوازێت لە کەرکوکدا.

کۆلۆنێل ڕایان دیلۆن دەمڕاستی هێزەکانی هاوپەیمانان بە دەنگی ئەمریکای گوتووە هاوپەیمانان لە نزیکەوە چاودێری ڕەوشی ناو کەرکوک دەکەن و داواش لە هەموو لایەنەکان دەکەن خۆیان بە دوور بگرن لە هەموو هەنگاوێک کە دەبێتە مایەی ناسەقامگیری وەرچەرخانی سەرنجەکان لەسەر شەڕی دژی تێرۆریستانی دەوڵەتی ئیسلامی.

لە هەمانکاتدا ده‌کوتریت بە پێی رێکەوتنی ستراتیژی ئەمنی حکومەتی عێراق و ئەمریکا ئەو ناوچانەی کە جێناکۆکین ده‌بێت بە هاوبەشی هەرێم و حکومەتی عێراقی بەڕێوەببرێت، حکومەتی عێراقی داوای ئەوەی کردووە، "عێراق دەیەوێت بچێتەوە ئەو شوێنانەی کە لەسەر وەختی هاتنی داعش کەوتووەتە دەستی هێزی پێشمەرگە."

بە پێی هەواڵە نوێیەکان، پاش ئەوەش سوپای عێراق و هێزە ئەمنییەکانی عێراق هێرشیان کردە سەر کەرکوک و چوونە ناو شارەکانەوە، ڕەوکردنی خەڵکی سیڤیڵ دەستی پێکردوە.

دەکۆتریت ئەم رەوکردنە بۆ هویەوەیە کە لە ڕاستیدا هێزەکانی هێرشبەر حه‌شدی شه‌عبین و ئه‌م هێزانه‌ش به کۆشتار و وحشیگه‌ری ده‌ناسرێن و مه‌ترسی ئه‌وه هه‌یه بکەونه کۆشتنی خه‌ڵکی سیڤیڵ.

ئەنجومەنی ئاسایشی هەرێمی کوردستانیش پێشتر ڕاگەیاندراوێکی بڵاوکردەوە و تیایدا باسی ئەوەی کرد ئێران پشتیوانی و ڕێبەڕی حه‌شدی شه‌عبی دەکات. که واته ده‌توانین بڵێین ئه‌مه سه‌رکه‌وتنی قاسم سۆلێمانی و سیاسه‌تی ئێران له ناوچه‌که‌یه؟

له وتووێژ له‌گه‌ڵ عه‌مار گوڵی، ڕۆژنامه‌وان له ناوەندی نۆچه و شرۆفه‌ی ڕۆژ ئەم بابەتەمان تاوتۆ کردوه.

XS
SM
MD
LG