Accessibility links

لە ئەنجامی هێرشێکی تاڵیبان بۆ سەر خاڵە پشکنینەکان لە ئەفغانستان 22 پۆلیسی ئەفغانی دەکوژرێن


بەرپرسانی ئەفغانستان ئەمڕۆ وتیان تاڵیبان لە ماوەی شەش کاتژمێردا هێرشی کردۆتە سەر زیاتر لە دە خاڵی پشکنین لە هەرێمی قەندەهار لە باشووری وڵاتەکە و لە ئەنجامدا 22 پۆلیس کوژراون و 15ی دیکە برینداربوون.

بەرپرسان وتیشیان هێزەکانی حکومەت 44 چەکداری تاڵیبانیان کوشتوو و 35 کەسی دیکەیان بریندارکردووە و چەکدارەکانی تاڵیبان نەیانتوانیوە هیچ کام لەو خاڵە پشکنینانە کۆنتڕۆڵ بکەن کە هێرشیان کرۆتە سەر.

وتەبێژی سەرۆکی پۆلیس زەیا دۆرانی وتی " هێزەکانمان بەرگرییان کردووە تاوەکوو پشتیوانی ئاسمانیمان پێگەیشتووە، شکستمان بە تاڵیبان هێنا."

بەڵام تاڵیبان ڕایگەیاند 43 چەکداری کوشتووە و 13 ئوتومبێلی زریپۆشی تێکشکاندووە.

حکومەتی هەرێمی فەرا لە ڕۆژئاوای وڵاتەکە ڕایگەیاند تاڵیبان هێرشێکی تریشی کردۆتە سەر ناوچەی بالا بۆلۆک لە هەرێمەکەدا و لە ئەنجامدا هەشت سەرباز کوژراون و کۆمەڵێکی دیکە برینداربوون.

سەرچاوە/ ڕۆیتەرز

XS
SM
MD
LG