Accessibility links

به‌ هۆی ئاگرکه‌وتنه‌وه‌ له‌ کابول سێ که‌س مردوون و ده‌یان که‌سیش بریندارن


گوته‌بێژی وه‌زاره‌تی ته‌ندروستی وه‌حیدولا مه‌یر ده‌ڵێت شه‌ش له‌ برینداران له‌ نه‌خۆشخانه‌ له‌ دۆخێکی مه‌ترسیداردان.

کاربه‌ده‌ستێکی ئه‌فغان ده‌ڵێت له‌ ئه‌نجامی ئاگرکه‌وتنه‌وه‌یه‌کی شه‌و دره‌نگان که‌ له‌ به‌نزینخانه‌یه‌ک له‌ کابولی پێته‌خت روویدا و خانوبه‌ره‌کانی ده‌رووبه‌ریشی گرته‌وه‌ سێ که‌س مردوون و 27 که‌سی تریش بریندارن.

سه‌یفولا که‌ ئاگای له‌ ڕووداوه‌که‌ بوه‌ ده‌ڵێت ئاگره‌که‌ سه‌ره‌تای نیوه‌شه‌و له‌ به‌نزینخانه‌یه‌کی خۆرهه‌ڵاتی ئه‌فغانستان له‌ گه‌ڕه‌کی ماکرۆیان ده‌ستی پێکرد.

ئه‌و کاربه‌ده‌ستانی که‌ ئاسۆشێتێدپرێس په‌یوه‌ندی له‌ گه‌ڵ گرتن گوتیان هێشتاش لێکۆڵێنه‌وه‌ له‌ سه‌ر ئاگره‌که‌ ده‌که‌ن و له‌ سه‌ر رووداوه‌که‌ لێدوانیان نه‌دا.

که‌سانی گه‌واه‌ ده‌لێن تانکێرێکی نه‌وت که‌ له‌ به‌نزینخانه‌ ڕاگیرابوو ئاگری گرت و بوو به‌ هۆی ئه‌وه‌ی ئاگره‌که‌ خێرا بڵاوبێته‌وه‌.

ئه‌مه‌ دوای ڕووداوی پاره‌که‌ له‌ کابول دێت که‌ له‌ مانگی نوامبردا ئاگرکه‌وتنه‌وه‌یه‌ک له‌ بازاری ئه‌لکترۆنی که‌وت.

XS
SM
MD
LG