ڕاوێژکاری ئاسایشی نیشتیمانی ئەمەریکا جۆن بۆڵتن لەگەڵ سەرۆک وەزیری ئیسڕائیل بنیامین ناتانیاهودا کۆبۆوە و سەنگیان خستە سەر بابەتی ئێران.
بۆڵتن بە کەسێکی گرنگ دادەنرێت لە بەڕێوبەرایەتییەکەی ئەمەریکادا سەبارەت بە چۆنێتی مامەڵەکردن لەگەڵ بەرنامە ناوەکییەکەی ئێران. جۆن بۆڵتن و بنیامین ناتانیاهو لە ئێوارە خوانێکی کاردا لە ئۆرشەلیم کۆبوونەوە. وابڕیاریشە ڕۆژی دووشەممە خولێکی دیکەی گفتوگۆکان دەست پێبکەنەوە.
بۆڵتن وتی " کێشەی زۆر گەورە هەیە لەبەردەم ئیسڕائیل و ئەمەریکا و هەموو جیهاندا. لەسەروو هەموویانەوە بەرنامە ناوەکییەکەی ئێران و بەرنامە موشەکییە باڵیستیکییەکەیەتی."
لەلای خۆشیەوە ناتانیاهو وتی لەگەڵ بۆڵتندا باس لە چۆنێتی بەردەوامبوونیان دەکات لە بەرپەرچدانەوەی دوژمنکارییەکانی ئێران لە ناوچەکەدا و گرەنتی ئەوەی دەداتێ کە ڕێگە نەدرێت ئێرانییەکان ببنە خاوەنی چەکی ناوەکیی.
سەرچاوە/ ڕۆیتەرز