Accessibility links

هێزه‌کانی سه‌ر به‌ ئێران له‌ سنووری سوریا و ئیسرائێل دوور که‌وتوونه‌وه‌


ئیسڕائیڵ له‌ ماوه‌ی چه‌ند مانگی ڕابردوو هێرشه‌کانی بۆ سه‌ر گرووپه‌کانی به‌ پشتیوانی ئێران له‌ سوریا دا زیاتر کردووه‌

ڕێکخراوی چاودیری به‌ سه‌ر مافه‌کانی مرۆڤی سوریا ده‌ڵێت ئێران، حزب ئه‌للا و گرووپه‌ چه‌کداره‌کانی تر که‌ ئێران له‌ سوریا پشتیوانیان لێده‌کات له‌ سنووری به‌رزاییه‌کانی گۆلان دوور که‌وتوونه‌وه‌.

ئه‌و ڕێکخراوه‌ی بنکه‌ له‌ به‌ریتانیا هه‌واڵه‌کانی خۆی له‌ ڕێگای په‌یوه‌ندی گرتن له‌ گه‌ڵ چالاکانی سوریا وه‌ده‌ست دێنێت.

به‌ گوێره‌ی نووسراوه‌ی نیوزویک، چاودێری مافه‌کانی مرۆڤی سوریا پێنجشه‌مه‌ ڕایگه‌یاند که‌ ئه‌و چه‌کدارانه‌ بۆ لای 40 کیلومێتر دوورتر له‌ سنووری سوریا له‌ گه‌ڵ ئیسڕایل ڕۆیشتوون.

کێشانه‌وه‌ی ئێران له‌ ده‌مێکدا دێت که‌ هێزه‌کانی ئه‌سه‌د ده‌ستیان به‌ هێرش بۆ سه‌ر سه‌رهه‌ڵداوانی سوریا له‌ هه‌ریمی باشووری ڕۆژئاوا کردوه‌.

ده‌گوترێت ئه‌و هه‌نگاوه‌ له‌ سه‌ر داوای روسیا و دوای وتووێژه‌کانی نێوان رووسیا و ئیسڕایل کراوه‌.

پێشتر ڕاگه‌یه‌ندرابوو که‌ شاندایه‌کی پله‌ به‌رزی کاربه‌ده‌ستانی ڕووسیا سه‌ردانی ئیسڕائیلیان کردوه‌ بۆ ئه‌وه‌ی سه‌باره‌ت به‌ داهاتووی سوریا و گه‌ڵاڵه‌ی دوورخستنه‌وه‌ی ئێران له‌ ناوچه‌کانی باشوری سوریا که‌ هاوسنوری ئیسڕایله‌، وتووێژ بکه‌ن.

له‌ گه‌ڵ ئه‌مه‌ش بنجامین نه‌تان یاهوو، سه‌رۆک وه‌زیری ئیسڕائیل هه‌ڕه‌شه‌ی کردووه‌ که‌ له‌ سه‌رانسه‌ری سوریا هیڕش ده‌کاته‌ سه‌ر ئامانجه‌کانی ئێران.

XS
SM
MD
LG