سەرۆکی عێراق بەرهەم ساڵح سەرکۆنەی ئەو هەوڵانەی کرد کە دراون بۆ چوونە ناو باڵیۆزخانەی ئەمەریکاوە لە بەغداد و وتی ئەوە پێشێلکردنی ئەو ڕێکەوتنە نێودەوڵەتییانەیە کە وڵاتەکەی ناچار دەکەن نێردە بیانییەکان بپارێزێت.
سەرۆکی عێراق بەرهەم ساڵح لە بەیاننامەیەکدا وتی " هەوڵدان بۆ چوونە ناو باڵیۆزخانەی ئەمەریکاوە لە بەغداد پێشێلکردنی هەموو ئەو ڕێکەوتنە نێودەوڵەتیانەیە کە حکومەتی عێراق پابەندن پێوەیان بۆ پاراستنی نێردە بیانییەکان."
وتیشی " خۆپیشاندانی ئاشتیانە بەپێی دەستوور مافێکی تەواوە، بەڵام هەڵکوتانە سەر نێردە دیبلۆماسیەکان لە عێراق بە لێدانێک لە بەرژەوەندییەکانی عێڕاق و پێگەی عێراق لەسەر ئاستی جیهان دادەنرێت."
سەرۆکی عێراق داواشی لە هێزەکانی ئاسایشی وڵاتەکە کرد بارەگای هەموو نێردە بیانییەکان بپارێزن و هاوکات داواشی لە خۆپیشاندەران کرد سنووری باڵیۆزخانەکە جێبهێڵن.
سەرچاوە/ ڕۆیتەرز