Accessibility links

د.کوێستان گادانی:سه‌رپۆش وه‌لانانی ژنان له ئێران ده‌توانێت ببێته ده‌ستپێکی شۆڕشێکی گشتگیر


کوێستان گادانی

چه‌ند ئاماده بوونی ژنان له گۆڕه‌پانی سیاسی ئێراندا کاریگه‌ری له سه‌ر گۆڕانی ڕه‌وشی سیاسی هه‌یه؟ بێ ئاماده بوونی ژنان و گۆڕانی پێگه و جێگای ژنان له کۆمه‌ڵگا و قه‌واره‌ی سیاسیدا هیچ گۆڕانکاریەکی سیاسی بنه‌ڕه‌تی له ئێراندا دێته ئاراوه؟

ژنێکی ئێرانی چه‌ند ڕۆژ پێش خۆپیشاندانه‌کان له شه‌قامی شۆڕشی تاران و له جه‌نگه‌ی نیوه‌ڕۆدا، چوه سه‌ر چوارگوشەیە‌کی کۆنترۆڵی کاره‌با و سه‌رپۆشه سپیه‌که‌ی ‌که‌ی داده‌گرێت و به داربه‌ستێکه‌وه ده‌یبه‌ستێ و بێ هیچ وشه‌یێک ده‌یسوڕێنێته‌وه. ئه‌م ژنه قاتی فه‌رمی و ناچاری ژنانی ئێران واته مانتۆیشی له به‌ر نه‌بووه و بۆ چه‌ند خوله‌کێک به‌رده‌وام ده‌بێت تا کاتێک هه‌ندێک هێزی ئاسایشی دێن و له سه‌ر چوارگوشەکە ده‌یهێنه خواره‌وه و ده‌ستبه‌سه‌ری ده‌که‌ن و ده‌یبه‌ن.

وێنه و ڤیدیۆی ئه‌م ژنه له تۆره کۆمه‌ڵایه‌تیه‌کاندا بڵاو کراوه‌ته‌وه و باسێکی زۆری خۆلقاندوه. ئه‌م ژنه ئێستا چی به سه‌رهاتوه و بۆچی که‌س نێو و نیشانی نازانێت؟ بۆچی چالاکی ئه‌م ژنه وه‌ک هه‌وڵێکی قارمانانه چاوی لێده‌کرێت؟ سه‌رپۆش و داپۆشانی ژنان بۆ کۆماری ئیسلامی بۆ ئه‌وه‌نده گرینگه؟

ئایا ئه‌گه‌ری ئه‌وه هه‌یه ژنانی ئێرانی تریش به‌م شێوازه ناڕه‌زایه‌تی خۆیان نیشان بده‌ن و ئه‌م چالاکیه تاکیه‌ی دژی حیجاب و سه‌رپۆشی به ناچاری ژنان، ببێته چالاکیێکی به‌ربڵاوی گشتگیر؟

بۆ تاوتۆکردنی ئه‌م باسه له‌گه‌ڵ به‌ڕێز دۆکتور کوێستان گادانی وتووێژمان کردوه.

please wait

No media source currently available

0:00 0:06:13 0:00

XS
SM
MD
LG