Accessibility links

ڕۆحانی: خستنە خوارەوەی فڕۆکە ئۆکرانیەکە هەڵەیەکە لێخۆشبوونی نیە


سەرۆکی ئێران حەسەن ڕۆحانی لە لێدوانێکدا وتی ئێران سزای هەموو ئەو کەسانە دەدات کە دەستیان هەبووە لە خستنەخوارەوەی فڕۆکە ئۆکرانییەکەدا و وتیشی لێکۆڵینەوەیەکی ورد لەو ڕووداوە " کارەساتە " ئەنجام دەدەین.

وتیشی " هەڵەیەک بوو لێخۆشبوونی نیە. ناکرێت تەنها یەک کەس بەرپرس بکەین لە ڕووداوی کەوتنەخوارەوەی فڕۆکەکە."

وتی " هێزە چەکدارەکانی ئێران دانیان بە هەڵەکەی خۆیاندا ناوە. دەبێت خەڵک دڵنیا بکەینەوە کە ئەمە دووبارە نابێتەوە." وتیشی حکومەتەکەی " بەرپرسە لەبەردەم ئێران و ئەو وڵاتانەی دیکەشدا کە هاوڵاتیانیان لە ڕووداوەکەدا لەدەستداوە. "

لەلایەکی دیکەوە وتەبێژی دەسەڵاتی دادوەری ئێران غوڵام حسێن ئیسماعیلی وتی بەرپرسان کۆمەڵێک کەسیان دەستگیر کردووە کە ڕۆڵیان هەبووە لە ڕووداوی کەوتنە خوارەوەی فڕۆکە ئۆکرانیەکەدا.

سەرچاوە/ ڕۆیتەرز

XS
SM
MD
LG