کاردانەوەی ئێران لەسەر سزا نوێیەکانی یەکێتی ئەوروپا

وەزیری دەرەوەی ئێران وەڵامی سزا نوێیەکانی یەکێتی ئەوروپای دژ بە ئێران دایەوە و بە " زیادەڕۆیی " ناویبرد و گوتی " کارێکی نابنیادنەرانەیە و لە بە هەڵە لێکدانەوەوە سەرچاوەی گرتووە."

وەزیری دەرەوەی ئێران حوسەین ئەمیرعەبدوڵاهیان لە تۆڕی کۆمەڵایەتی تویتەر نوسیویەتی " یەکێتی ئەوروپا ئەمڕۆ سزای زیادەڕۆیی دیکەی سەپاند بەسەر کەسانی ئێرانیدا. ئەوە کارێکی نابنیادنەرانەیە و لە بە هەڵە لێکدانەوەوە و زانیاری هەڵەوە سەرچاوەی گرتووە. کارە پشێوی و تێکدەرەکان لە هیچ شوێنێک جێی قبوڵکردن نین، بەس ئێران نیە."

وەزیرانی دەرەوەی یەکێتی ئەوروپا 11 ئێرانی و چوار دامەزراوەیان بە پۆلیسی ئاکاری ئێرانیشەوە خستە لیستی ئەو لایەن و کەسانەوە کە گەشتکردنیان بۆ ئەوروپا قەدەغە دەکرێت و سەرمایەکانیان سڕ دەکرێت. ئەوەش بەهۆی ڕۆڵییانەوە لە سەرکوتکردنی خۆپیشاندەرانی ئێراندا.

سەرچاوە/ ڕۆیتەرز