Accessibility links

هوشیار ڕۆسته‌می: تێرۆریسته‌کان کۆژراون و باری ئاسایشی شاری تاران ئه‌هوه‌نه

  • شاهێد عەلەوی

هوشیار رستمی

ئه‌مڕۆ چوارشه‌مه‌ 7ی مانگ دوو هێرش کرایه‌ سه‌ر مه‌زاری خومه‌ینی و بینای چاوپێکه‌وتنه‌کانی خه‌ڵکی پارڵمانی ئێران. به‌ پێی سه‌رچاوه‌ ئێرانییه‌کان هێرشه‌کان کاتژمێر 10:30 به‌یانی به‌ کاتی تاران ده‌ستی پێکرد و دوو هێرشبه‌ر له‌ نزیکی مه‌زاری خومه‌ینی ته‌قه‌یان له‌ خه‌ڵک کرد و یه‌کیان خۆی ته‌قانده‌وه‌. دوو هێرشبه‌ری تر چوونه‌ نێو بینای پارلمانه‌وه‌ و تا کاتژمێر 3:00ی دوا نیوه‌ڕۆ به‌ کاتی تاران له‌ گه‌ڵ هێزه‌کانی ئاسایش تووشی شه‌ڕ بوون.

ئاژانسی فه‌رمی هه‌واڵنێری ئێران ڕایگه‌یاندووه‌ که‌ له‌ ده‌رئه‌نجامی ئه‌م هێرشانه‌ 12 که‌س کوژراون و زیاتر له‌ 35 که‌سیش بریندارن. هه‌روه‌ها هه‌ر چوار هێرشبه‌ره‌که‌ش کوژراون. به‌ وته‌ی به‌رپرسانی ئێران ئه‌مه‌ یه‌که‌مین هێرشی تێرۆرستی داعش بۆ سه‌ر ئێرانه‌ و تۆڕی "أعماق" سه‌ر به‌ داعشیش به‌رپرسایه‌تی هێرشه‌که‌ی گرتۆته‌ ئه‌ستۆوه‌.

وه‌ک هوشیار روسته‌می رۆژنامه‌وانی دانیشتووی تاران به‌ ده‌نگی ئه‌مه‌ریکا ده‌لێت ڕه‌وشی ئاسایش له‌ تاران ئه‌هوه‌ن بۆته‌وه‌ و ژیانی رۆژانه‌ی خه‌ڵک به‌ شێوه‌یه‌کی ئاسایی به‌رده‌وامه‌. رۆسته‌می ده‌ڵێت به‌رپرسانی ئێران ڕایانگه‌یاندووه‌ ده‌سته‌یه‌کی تری تێرۆرستی له‌ گه‌ڵ ئه‌م دوو ده‌سته‌ هاتوونه‌ته‌ ناوخۆی ئێرانه‌وه‌، به‌ڵام پێش ئه‌وه‌ی هێرشبه‌رنه‌ سه‌ر ئامانجه‌که‌یان ناسراون و ده‌ستبه‌سه‌رکراون.

بۆ وه‌رگرتنی زانیاری زیاتر سه‌باره‌ت به‌ ورده‌کاری ئه‌م دوو هێرشه‌ی ئه‌مڕۆ له‌ تاران له‌ گه‌ڵ هوشیار ڕۆسته‌می وتووێژمان کردووه‌.

XS
SM
MD
LG