Accessibility links

ده‌ست به‌سه‌ر کردنی که‌سێکی پێوه‌ندیدار به هێرشه‌که‌ی به‌رلین


پۆلیسی به‌رلین پیاوێکی توونسیان به گۆمانی جۆرێک پێوه‌ندی به هێرشه خویناویه‌که‌ی ئه‌م دوایانه به بازاری کریسمه‌سی ئه‌م شاره که له لایه‌ن ئه‌نیس عه‌ماروه ڕووی داوه‌ ده‌ست به‌سه‌ر کرد.

پۆلیس ده‌ڵێت ئه‌م پیاوه شه‌وێک پێش هێرشه‌که‌ی ۱۹ی مانگی کۆتایی ساڵی پار له‌گه‌ڵ ئه‌و هێرشکه‌ره نانی ئێواره‌ی خورادوه که به لوریێک هێرشی کرده سه‌ر خه‌ڵک و ۱۲ که‌سی کۆشت.

ئه‌نیس عامری، ئه‌و پیاوه‌ی به ئه‌نجامدانی هێرشه‌که تاوانبار بوو له ڕێگای به‌لژیکه‌وه خۆی گه‌یانده ئیتالیا و دواتر له‌وێ دوای شه‌ڕ و پێکدادانێک له ‌گه‌ڵ پۆلیس، به ته‌قه‌ی پۆلیس له شاری میلان کۆژرا.

پۆڵیس ده‌ڵێت گۆمانی ئه‌وه‌ی هه‌یه که ئه‌و کابرا ده‌ست به‌سه‌ر کراوه که نێوی به‌لاله و ته‌مه‌ن ی۲۶ ساڵه، له ئاماده کاری بۆ هێرشه‌که به‌شدار بووبێت و یان لانی که‌م ئاگای لێی بووبێت و نه‌یوتبێت.

پۆلیس له هه‌مان کاتدا ده‌ڵێت چونکه هیچیان به ده‌سته‌وه نه‌بووه نیشانی بدات ئه‌م کابرایه پێوه‌ندیه‌کی به هێرشه‌که‌ركه‌وه‌ بووه به ناچار ئه‌ویان به گۆمانی ته‌شقه‌ڵه‌و فریودان له به کار هێنانی خزمه‌تگۆزاری کۆمه‌ڵایه‌تی به‌ند کردوه.

فراک کۆلێر، وته‌بێژی دادستانی فیدراڵی ئاڵمانیا، ڕۆژی چوارشه‌ممه وتی که ئه‌م پیاوه و عامری له کۆتایی ساڵی ۲۰۱۵‌وه یه‌کتریان ده‌ناسی و شه‌وی پێش هێرشه‌که‌ش له رێستورانێک یه‌کتریان دیوه و شه‌ره قسه‌یێک توندیان پێکه‌وه بوه.

ئه‌م وته‌بێژه هه‌روه‌ها وتی ماڵی ئه‌م گۆمان لێکراوه له بینایێکی تایبه‌تی په‌ناخوازانه‌ و گۆمانیش ده‌کرێت ئه‌م کابرایه له مانگی ۵ی ساڵی پاره‌وه تا ئێستا له چه‌ند شاری ئاڵمانیا لانی که‌م دوو ناوی خوازیاری به کار هێنابێت.

له هه‌مان کاتدا، هاوماڵه‌که‌ی عامری وه‌ک شایه‌تێک لێپرسینه‌وه‌ی لێ ده‌کرێت. عامری دوو که‌ره‌ت له ڕۆژی ۱۹ی مانگدا هه‌وڵی داوه پێوه‌ندی له‌گه‌ڵ ئه‌م هاوماڵیه‌ی بگرێت، هه‌رچه‌ند دیار نیه توانیویه‌تی قسه‌ی له‌گه‌ڵ بکات یان نا.

XS
SM
MD
LG