Accessibility links

وه‌زاره‌تی زانیاری هوڵه‌ند وه‌ده‌رنانی دوو کارمه‌ندی باڵیۆزخانه‌ی ئێرانی پشتڕاست کرد


وه‌زاره‌تی ده‌ره‌وه‌ی هوڵه‌ند هێشتا کاردانه‌وه‌ی به‌رامبه‌ر به‌ ئه‌و هه‌واڵه‌ نیشان نه‌داوه‌ و خۆی له‌ لێدوان پاراستووه‌.

وه‌زاره‌تی ده‌ره‌وه‌ی هوڵه‌ند هه‌ینی ئه‌و هه‌واڵه‌ی پشتڕاستکرد که‌ دوو له‌ کارمه‌ندانی باڵیۆزخانه‌ی ئێرانی له‌ ئه‌و وڵاته‌دا وه‌ده‌رناوه‌.

ڕۆیتێرز وێرای ڕاگه‌یاندنی ئه‌و هه‌واڵه‌ له‌ لایه‌ن کاربه‌ده‌ستێکی حکومه‌تی ئه‌روپایی و سه‌رچاوه‌یه‌کی زانیاری نه‌هێنی رۆژئاوا گوتی ئه‌و کارمه‌ندانه‌ دوو مانگ پێشتر وه‌ده‌رنراون.

به‌ڵام ته‌له‌ڤزیۆنی حکومه‌تی هوله‌ند گوتی وه‌ده‌رنانی ئه‌و دوو کارمه‌ندانه‌ له‌ باڵیۆخانه‌ی ئێران له‌ ئامستردام، رۆژی حه‌وتی مانگی جون یانی یه‌ک مانگ پێش روویدا.

ڕۆیتێرز به‌ گوته‌ی کاربه‌ده‌ستێکی ئێران، "ئه‌و له‌ سه‌رکارلابردن و وه‌درنانه‌ به‌شێک له‌ نه‌خشه‌ی دوژمنان بۆ زیان گه‌یاندن به‌ هه‌وڵه‌کان بۆ ڕاگرتنی ڕێکه‌وتنی ناوکییه‌."

وه‌زاره‌تی ده‌روه‌ی هوڵه‌ند هێشتا کاردانه‌وه‌ی به‌رامبه‌ر به‌ ئه‌و هه‌واڵه‌ نیشان نه‌داوه‌ و خۆی له‌ لێدوان پاراستووه‌.

ئاماژه‌ی ئه‌و کاربه‌ده‌سته‌ی ئێران ڕه‌نگه‌ به‌ وتووێژه‌کانی ئه‌وروپاییه‌کان له‌ گه‌ڵ ئێران له‌ سه‌ر ڕێکه‌وتنی ناوکی بێت.

چه‌ند ڕۆژ پێش ئه‌و کۆبوونه‌وه‌یه‌، و هاوکاتی سه‌ردانی سه‌رۆک کۆماری ئێران بۆ ئه‌وروپا، شه‌ش که‌س له‌ فه‌ڕانسه‌، بلژیک و ئاڵمان، له‌ نێویان دا دیپلۆماتێكی ئێران که‌ وه‌ک کارمه‌ندێک له‌ باڵیۆزخانه‌ی ئێران له‌ نه‌مسادا کاری ده‌کرد، به‌ تاوانی پلان دانان بۆ هێرش بۆ سه‌ر کۆبوونه‌وه‌ی ڕێکخراوی موجاهدینی خڵکی، که‌ شه‌مه‌ له‌ پاریس به‌ڕێوه‌چوو، ده‌ستگیرکران.

ڕوون نیه‌ وه‌ده‌رنانی دوو کارمه‌ندی باڵیۆزخانه‌ی ئێران له‌ هوڵه‌ند، ئه‌گه‌ر ڕاست بێت، داخوا په‌یوه‌ندی به‌ ئه‌و ڕووداوه‌ هه‌یه‌ یان نا.

وه‌زاره‌تی ده‌ره‌وه‌ی ئه‌مه‌ریکا وێڕای مه‌حکوم کردنی به‌کارهێنانی حکومه‌تی ئێڕان له‌ تێرۆرسم له‌ وڵاته‌کانی دیکه‌، گوتی واشنگتن له‌ نزیکه‌وه‌ به‌ دواداچوون به ڕاپۆرته‌کانی په‌یوه‌ندی دار به‌ دیپڵۆماتی گیراوی ئێران دا ده‌کات.

XS
SM
MD
LG