وەزیری دەرەوەی فەرەنسا جان یێڤس لۆ دریان لەمیانەی سەردانەکەیدا بۆ باڵێۆزخانەی فەرەنسا لە لەندەن وتی لە هێرشەکەی لەندەوە دوو فەرەنسی دیار نەماون.
لۆ دریان وتیشی فەرەنسییەک لە هێرشەکەدا کوژراوە و هەشت فەرەنسی تر برینداربوون کە چواریان برینەکانیان سەختە، هەروەها بە ڕۆژنامەنووسانیشی وت چوار بریندارەکەی تر برینەکانیان زۆر سەخت نیە و دووانیان لە نەخۆشخانە هاتوونەتە دەرەوە.
وەزیری فەرەنسا وتی هاریکارییەکانی نێوان فەرەنسا و بەریتانیا لەڕووی ئاسایشەوە زۆر بەهێزە و هاتنە دەرەوەی بەریتانیا لە یەکێتی ئەوروپا هیچ کاریگەرییەکی نابێت.
وتیشی " پەیوەندییەکانی دەزگا هەواڵگرییەکانی نێوان دوو وڵاتەکە زۆر نموونەییە هیچ هۆکارێک نیە بۆ ئەوەی ئەوە بگۆڕدرێت."
سەرچاوە / ڕۆیتەرز