Accessibility links

فەڕەنسا هۆشداری دەداتە ئێران


سەرۆکی فەڕەنسا ئیمانوێل ماکرۆن
سەرۆکی فەڕەنسا ئیمانوێل ماکرۆن

ئۆفیسی سەرۆکایەتی فەڕەنسا دەڵێت سەرۆکی فەڕەنسا ئیمانوێل ماکرۆن هۆشداری داوەتە هاوتا ئێرانییەکەی ئیبراهیم ڕەئیسی لەسەر دەرەنجامی پێدانی فڕۆکەی بێفڕۆکەوان بە ڕووسیا.

ماکرۆن لە پەیوەندییەکی تەلەفونیدا داوای لە ئێران کردووە " دەستبەجێ " پشتیوانییەکانی بۆ ڕووسیا لە جەنگەکەیدا دژ بە ئۆکرانیا ڕابگرێت.

ئۆفیسەکە لە بەیاننامەیەکدا وتی ماکرۆن نیگەرانی خۆشی دەربڕیوە سەبارەت بە ئاڕاستەی بەرنامە ئەتۆمییەکەی ئێران.

بەڕیتانیا و فەڕەنسا و ئەڵمانیا و ئەمەریکا و ئۆکرانیا دەڵێن پێدانی فڕۆکەی بێفڕۆکەوانی ئێرانی بە ڕووسیا پێشێلکردنی بڕیارێکی ساڵی 2015 ی ئەنجومەنی ئاسایشی نەتەوە یەکگرتووەکانە.

ڕۆژی هەینی کۆشکی سپی وتی وادەردەکەوێت ڕووسیا هاریکارییە بەرگرییەکانی لەگەڵ ئێراندا قووڵتر کردبێتەوە و سەدان فڕۆکەی بێفڕۆکەوانی لە ئێرانەوە وەرگرتووە و لە هێرشەکانیدا بۆ سەر ئۆکرانیا بەکارییان دەهێنێت.

سەرچاوە/ ڕۆیتەرز

XS
SM
MD
LG