Accessibility links

پولیسی فینلاند ده‌ڵێت لێکۆڵینه‌وه‌کان ده‌رده‌خه‌ هێرشه‌که‌ تێرۆرستی بووه‌


پولیسی فینلاند له‌ کاتی پاسه‌وانی دا، هه‌ینی 18ی ئاگوستی 2017

پۆلیسی فه‌نلاند ڕایگه‌یاندوه کۆژرانی دوو که‌س له شاری توورکۆ له باشوری ئه‌م وڵاته له ده‌ره‌نجامی هێرشی که‌سێک به چه‌قوو، هێرشێکی تیروریستیه. پۆلیس له به‌یاننامه‌یێکدا ڕایگه‌یاندوه: " لێکولینه‌وه‌کان سه‌باره‌ت به ئه‌م ڕووداوه له سه‌ره‌تاوه وه‌ک کۆشتنی به مه‌به‌ست ده‌ستی پێکرد به‌ڵام دوێنی شه‌و زانیاری زیاترمان دۆزیه‌وه و ئێستا دڵنیاین که ئه‌م هێرشه تیروریستی بوه."

هێرشبه‌ره‌که گه‌نجێکی مه‌راکێشی ته‌مه‌ن18 ساڵه‌یه که دوای ئه‌وه له ناوه‌ندی شاری توورکۆ هێرشی برده سه‌ر ژماره‌یه‌ک خه‌ڵک و چه‌قۆی لێدان ته‌قه له لاقی کرا و ده‌ستبه‌سه‌ر کراوه. پۆلیس ده‌ڵێت هێرشبه‌ره‌که ناسراوه بۆیان به‌ڵام هێشتا هیچ زانیاریێکی تایبه‌تی سه‌باره‌ت به‌م کابرایه‌ی بڵاو نه‌کردوه‌ته‌وه.

پۆلیس ده‌ڵێت دوو قوربانی ئه‌م هێرشه هاووڵاتی فێنلاندین و له نێوان 8 برینداری هێرشه‌که‌ش دوو که‌سیان سوئدی و یه‌کیان ئیتالین. پۆلیس دوای ئه‌م هێرشه تیروریستیه، شه‌وی ڕابردوو هه‌ڵیکوتایه سه‌ر خانوێک و چه‌ند که‌سی ده‌ستبه‌سه‌ر کرد.

له فێنلاند پێشتر هێرشی تیروریستی ڕووی نه‌داوه و ئه‌م هێرشه نیگه‌رانیێکی زۆری درووست کردوه.

XS
SM
MD
LG