Accessibility links

یەکێتی ئەوروپا ڕەتی دەکاتەوە بەشداری کۆنگرەکەی دیمەشق بکات سەبارەت بە پەنابەران


وەزیری دەرەوەی یەکێتی ئەوروپا جۆزێپ بۆڕێڵ

وەزیری دەرەوەی یەکێتی ئەوروپا جۆزێپ بۆڕێڵ وتی یەکێتیەکە بەشداری کۆنگرەکەی سوریا ناکات کە ڕوسیا سەرپەرشتی دەکات و تیایدا تاوتوێی گەڕانەوەی پەنابەرانی سوری دەکرێت بۆ وڵاتەکەیان، ئاماژەی بەوەدا مەرجەکانی بەشداریکردنەکەی جێبەجێ نەکراوە.

ڕژێمی سوریا بۆڕێل و کۆمەڵێک لە وەزیرانی دەرەوەی وڵاتانی یەکێتی ئەوروپای بانگهێشت کرد تاوەکو بەشداری لە کۆنگرەکەدا بکەن سەبارەت بە گەڕانەوەی پەنابەران.

جۆزێپ بۆڕێل لە بەیاننامەیەکدا وتی " یەکێتی ئەوروپا و وڵاتانی ئەندام لە یەکێتیەکە بەشداری کۆنگرەکە ناکەن."

پیتەر ستانۆی وتەبێژی بۆڕێل وتی " هێشتا زووە بۆ ئەم جۆرە کۆنگرانە."

پیتەر ستانۆ وتی " ئەرکە سەرەکییەکان کە دەبێت پێش کۆنگرە بکرێن ئەمانەن: مەرجی گەڕانەوە بە پارێزراوی و گەڕانەوەی خۆبەخشانە بەپێی یاسا نێودەوڵەتیەکان و گەڕانەوەی پەنابەران بۆ ناوچەکانیان لە سوریا بەبێ هیچ بەربەستێک."

بۆڕێل وتی " مەرجەکانی ئێستا لە سوریا ئەوە نین کە خەڵکەکە بتوانن خۆبەخشانە بگەڕێنەوە."

سەرچاوە/ فرانس پرێس

XS
SM
MD
LG