Accessibility links

چوار چالاک و ژینگه‌ پارێزی مه‌ریوان گیانیان له‌ ده‌ستدا


خه‌ڵکی شاری مه‌ریوان به‌ ڕێپێوان و دروشم دان له‌ سه‌ر شه‌قامه‌کان ڕێزیان له‌ خۆبه‌خشی و فیداکاری ئه‌و ژینگه‌ پارێزانه‌ گرت.

سەرچاوە خۆجێیەکان باس لەوە دەکەن کە دارستانەکانی مەریوان به هۆی تۆپبارانەکانی سپای پاسداران تووشی ئاگر کەوتنەوە بوونە.

به‌ پێی هه‌واڵی ڕاگه‌یه‌نه‌ره‌کان له‌ کاتی کوژاندنه‌وه‌ی ئاگری دارستانه‌کان له‌ ناوچه‌ی مه‌ریوان چوار خۆبه‌خش و سروشت پارێز گیانیان له‌ ده‌ستدا.

ناوی ئه‌م که‌سانه‌ وه‌ک ئاژانسی کورد پا ڕایده‌گه‌یه‌نێت، " شه‌ریف باجوه‌ر، ئۆمێد کۆنه‌پۆشی، ڕه‌حمه‌ت حه‌کیمی نیا و محه‌مه‌د په‌ژووهی ن."

به‌ گوێره‌ی ڕاپۆرتی "کوردستان مێدیا"، سه‌رچاوه‌ خۆجییه‌کان باس له‌ ئه‌وه‌ ده‌که‌ن که‌ دارستانه‌کانی مه‌ریوان – ده‌ورووبه‌ری به‌یاڵه‌ و سه‌ڵه‌سی- به‌ هۆی تۆپبارانه‌کانی سپای پاسدارانی کۆماری ئیسلامی ئاگریان تێبه‌ر بوونه.‌

ئه‌و چوار چالاکه‌ی ژینگه‌ پارێز وه‌ک ده‌گوترێت له‌ کاتی هه‌وڵدان بۆ کوژاندنه‌وه‌ی ئه‌و دارستانانه‌ گیانیان له‌ ده‌ست داوه‌.

هه‌روه‌ها شه‌س که‌سی دیکه‌ش له‌ ئه‌و ڕووداوه‌ دا بریندارن و بۆ چاره‌سه‌ری بۆ نه‌خۆشخانه‌ی شار گوێزراونه‌وه‌.

خه‌ڵکی شاری مه‌ریوان به‌ ڕێپێوان و دروشم دان له‌ سه‌ر شه‌قامه‌کان ڕێزیان له‌ خۆبه‌خشی و فیداکاری ئه‌و ژینگه‌ پارێزانه‌ گرت.

XS
SM
MD
LG